Առողջության բարելավման և պահպանման լավագույն միջոցներից են մրգերը: Դեղձն այն միրգն է, որը հարուստ է առողջարար հատկություններով:
Ներկայացնում ենք հետաքրքիր փաստեր դեղձի մասին, որոնք արժե իմանալ: Դեղձն առաջին անգամ աճեցվել է Չինաստանում և խորհրդանշել է անմահություն, հաջողություն և ընկերություն:
Այն պատկանում է Ռոզասեա ընտանիքին և շատ նման է նուշին։ Դեղձը ոչ միայն շատ համեղ է և հաճելի բույր ունի, այլև շատ սննդարար է և բուժիչ: Դեղձը խորհուրդ է տրվում նրանց, ովքեր սրտի հետ կապված հիվանդություններ կամ անեմիա ունեն:
Ապացուցվել է, որ դեղձը խթանում է աճը և ամրապնդում է իմունիտետը:
Դեղձի բուժիչ հատկություններն առաջին հերթին բացատրվում են նրանով, որ այն պարունակում է մեծ քանակությամբ կալիումի աղ և երկաթ: Ինչպես հայտնի է, կալիումը պատասխանատու է օրգանիզմում ածխաջրերի փոխանակության համար և դրա անբավարար լինելը կարող է հանգեցնել սրտի աշխատանքի և նյարդային ուղիներիի անցանելիության խանգարման:
Հետազոտությունները ցույց են տվել, որ դեղձի մեջ կալիումի աղերը 15%-ով ավելի շատ են, քան ծիրանի մեջ, իսկ երկաթը՝ ավելի քան երկու անգամ: Կենսաքիմիական ուսումնասիրությունները ցույց են տվել, որ դեղձի 100 գրամում պարունակվում է այնքան երկաթ, որքան որ 500 գրամ տավարի լյարդում: Այդ իսկ պատճառով դեղձը խորհուրդ է տրվում այն անձանց, ովքեր տառապում են սրտի հիվանդություններով կամ անեմիայով: Դեղձի սիրահարները կարող են չանհանգստանալ գերդոզավորումից: Բնությունը հոգ կտանի այն մասին, որ հավելյալ կալիումը մեզի հետ դուրս գա:
Ապացուցված է, որ երեխաների աճը խթանում է դրա մեջ առկա կարոտինը: Բացի այդ՝ դեղձի մեջ առկա են բազմաթիվ վիտամիններ՝ B1, B2, B3 և C: Դեղձի մեջ կա 11% ածխաջուր՝ հիմնականում շաքար: Ուստի միրգը հակացուցված է նրանց, ովքեր տառապում են շաքարախտով:
