Մայիսի 30-ին ոստիկանության պետ Վալերիյ Օսիպյանն ու ոստիկանության պետի տեղակալ Աղասի Կիրակոսյանը խորհրդակցություն անցկացրին ճանապարհային ոստիկանության անձնակազմի հետ:
Այս մասին տեղեկանում ենք ՀՀ ոստիկանության պաշտոնական կայքից:
Ոստիկանության պետը խոսեց օրեր առաջ ճանապարհային ոստիկանության ծառայողներին տրված ցուցումների ու հանձնարարականների, դրանց կատարման ընթացքի, թերությունների ու բացթողումների մասին:
Վալերիյ Օսիպյանը նշեց, որ պետք է արվի ամեն ինչ ճանապարհային ոստիկանի հեղինակությունը բարձրացնելու ուղղությամբ:
Կրկին ընդգծվեց կոռուպցիոն որևէ դրսևորման բացառման և օրենքի առաջ բոլորի հավասարության անհրաժեշտությունը:
«Անկախ զբաղեցրած պաշտոնից, օլիգարխ լինելուց, եթե որևէ մեկը «նեղում է», զանգե՛ք, կգամ, ձեր կողքը կկանգնեմ, պատգամավոր կլինի, ով ուզում է՝ լինի. դուք եք օրենքը:
Ոստիկանության պետի տեղակալ Աղասի Կիրակոսյանը, դիմելով ճանապարհային ոստիկաններին, նշեց ծառայության որակի բարձրացման ուղղությամբ ձեռնարկվող միջոցառումների կարևորությունը, ծառայողական պարապմունքների պատշաճ անցկացումը, առանձին ոլորտներում՝ ճանապարհային ոստիկանության հետաքննչական, հաշվառման-քննական և այլ ստորաբաժանումներում ծառայության բարելավման մասին:
Խորհրդակցության ընթացքում քննարկվեցին ճանապարհային երթևեկության անվտանգությանը վերաբերող այլ հարցեր ևս
