Armtimes.com-ը գրում է.
«Եվրատեսիլում» ՀՀ ներկայացուցիչ Սեւակ Խանաղյանի՝ կիսաեզրափակիչը հաղթահարելու շանսերն այնքան էլ բարձր չեն գնահատվում: Երգի միջազգային մրցույթը լուսաբանող Wiwibloggs կայքի անցկացրած հարցման համաձայն՝ նա առաջին կիսաեզրափակչի մասնակիցների հետնապահների թվում է՝ 17-րդ տեղում: Մարտ ամսից սկսված հարցման արդյունքում նա վաստակել է քվերկողների ձայների 2.06%-ը:
Առաջին կիսաեզրափակչին մասնակցելու է 19 հոգի: Ֆավորիտը շարունակում է մնալ Իսրայելի ներկայացուցիչ Նետան (10.59%): Ըստ Wiwibloggs-ի հարցման՝ կիսաեզրափակիչը կհաղթահարի հետեւյալ տասնյակը.
1.Իսրայել – Նետա (10.59%)
2.Ալբանիա - Յուջենթ Բուշփեփա (8.76%)
3.Հունաստան - Ջիանա Թերզի (8.19%)
4.Ֆինլանդիա – Սառա Ալթո (7.89%)
5.Բելգիա – Սենեք (7.59%)
6.Բուլղարիա – EQUINOX խումբ (6.71%)
7.Կիպրոս – Էլենի Ֆորեիրա (6.49%)
8.Էստոնիա – Էլինա Նեչաեւա (6.41%)
9.Չեխիա – Միկոլաս Ջոզեֆ (6.23%)
10.Խորվաթիա – Ֆրանկա (4.88%)
Իսայելի ներկայացուցիչը ոչ միայն առաջին կիսաեզրափակչի, այլեւ ընդհանրապես Պորտուգալիայի մայրաքաղաք Լիսաբոնում կայանալիք «Եվրատեսիլ 2018»-ի գլխավոր ֆավորիտն է՝ ըստ բուքմեյքերների: Բուքմեյքերների կանխատեսումներով՝ առաջին տասնյակը կարող է ունենալ հետեւյալ տեսքը.
1.Իսրայել – Նետա
2.Նորվեգիա – Ալեքսանդր Ռիբակ
3.Էստոնիա - Էլինա Նեչաեւա
4.Ֆրանսիա - Madame Monsieur (մադամ մսյո)
5.Չեխիա - Միկոլաս Ջոզեֆ
6.Կիպրոս - Էլենի Ֆորեիրա
7.Բուլղարիա – EQUINOX
8.Շվեդիա – Բենջամին Ինգրոսո
9.Ավստրալիա – Ջեսիկա Մոբոյ
10.Իտալիա – Էրմալ Մետա եւ Ֆեբրիցիո Մորո
«Եվրատեսիլ 2018»-ի առաջին կիսաեզրափակիչը կայանալու է մայիսի 8-ին, 2-րդը՝ 10-ին: Եզրափակիչը տեղի կունենա մայիսի 12-ին: Սեւակ Խանաղյանը ելույթ է ունենալու առաջին կիսաեզրափակչի ընթացքում 16 համարի ներքո:
