Մի դեպք պատմեմ Սյունիքի մարզից։ Մոտ 1,5 տարի առաջ, երբ եկանք մարզ, մեր գնահատականով ամենածանր վիճակում առողջապահության ոլորտն էր, որում կոռուպցիայի առկայությունն ամենավտանգավորն ա, քանի որ կարա մարդկանց կյանք արժենա։ Մարզի 5 բժշկական կենտրոններից 4-ի տնօրենները ստուգումների արդյունքում ազատվեցին, և տեղը նորերը նշանակվեցին։ Ոմանք կրկին ազատվեցին մի քանի ամիս հետո ստուգումներից հետո։ Ինձ լավ ծանոթ մի բժիշկ վերին աստիճանի ազնիվ մարդ նշանակվեց Կապանի բժշկական կենտրոնի տնօրեն։ Հիմա բնական է, պիտի ամենից զատ նաև կոռուպցիայի հարցը լուծեր։ Մի քանի ամսում դրամարկղային մուտքերը մոտ երեք անգամ աճեցին, բայց մի օր եկավ, ասում ա՝ բան չեմ կարում անեմ, մարդիկ զոռով փողը խցկում են բուժքրոջ գրպանը, թե բա՝ մեր մամային լավ նայի, բժշկի գրպանը, թե բա՝ ամեն ինչ տոչնի արա։ Դեմը առնել ամբողջությամբ չի կարում էս պայմաններում։ Լոզունգներով խոսելը իհարկե հավես ա, բայց երբ հենց քո հարցն է, երբ տունդ ապօրինի առաջ ես տվել, կադաստրում փող ես տալիս լևի, որ գրանցեն, երբ մի առարկայից գլուխ չես հանում, փող ես տալիս, որ նշանակեն։ Ու այո, պարզ ա, որ նույն բուժքույրը սկսում ա փող ակնկալել, դասախոսն էլ՝ նույնը։ ՀՀԿ-ն ա, չէ՞, մեղավոր )))) Կոռուպցիան պիտի այդ թվում ժողովրդի միջից հանես, որը շատ բարդ ա, քանի որ ամեն մեկն իր համար ուզում ա հարմար լինի, բայց դե ինքը դեմ ա կոռուպցիային։ Դեմ ա, բայց Սիթիից ա առևտուր անում, ընտրություններին փող ա վերցնում, բայց դե ինքը դեմ ա ))) Մի խոսքով, եթե ինչ-որ մեկը էլի կարծի, որ սա ՀՀԿ-ի գովքն ա, որի անդամ ես երբեք չեմ եղել ու երբեք չեմ գովաբանել, ապա դուք լուրջ անալիտիկ խնդիր ունեք, ուղղակի անֆրենդ եղեք, ո՛չ իմ նյարդերին ազդեք, ո՛չ էլ ձերը փչացրեք։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
