Կատարյալ գեղեցկություն ասվածը շատ հարաբերական է․ տարբեր մարդիկ տարբեր կերպ են ընկալում գեղեցիկ ասվածը։ Օրինակ՝ ոմանք գեղեցիկ են համարում նիհար կանանց, մինչդեռ մարդկանց մյուս խմբին դուր են գալիս գիրուկները։
ԱՄՆ-ում արված հարցումների համաձայն տղամարդկանց մեծամասնության համար գեղեցկության իդեալ է Քիմ Քարդաշյանը։ Բայց դա ԱՄՆ-ում, իսկ Ռուսաստանում վերջերս հայտնվել է Քարդաշյանի ռուս նմանակը՝ Անաստասիյա Կվիտկոն, ով պնդում է, թե իր մարմինն ամբողջովին բնական է։
Մասնագիտությամբ մոդել 21-ամյա Անաստասիյան իր կարիերան սկսել է 17 տարեկանում։ Այդ ժամանակվանից սկսած նա աշխատել է բազմաթիվ ընկերությունների հետ։ Չնայած՝ հիմա ապրում է Մայամիում, այնուամենայնիվ շարունակում է շատ հայտնի մնալ իր հայրենի քաղաքում՝ Ռուսաստանի Կալինինգրադում։
«Իսկապես շատ հպարտ եմ իմ մարմնով և ուրախ եմ, որ ունեմ հենց այս մարմինը։ Մեր օրերում, երբ գեղեցկության իդեալ է համարվում Քիմ Քարդաշյանը, շատերն ինձ համեմատում են նրա հետ։ Իրականում ես դեմ չեմ, բայց չեմ ուզում կորցնել ինքնությունս»,-պատմել է աղջիկը։
Հավանաբար դուք էլ առաջին հայացքից կարծեցիք, որ նա բազմաթիվ վիրահատությունների դիմել, բայց ի զարմանս բոլորի, Անաստասիյան պնդում է հակառակը։ «Ես ծնվել եմ հենց այսպես ու երբեք վիրահատությունների չեմ ենթարկվել։ Միակ բանը, որ անում եմ, սպորտով զբաղվելն է»։
