Նորընտիր Հռոմի Պապ Ֆրանցիսկ 1-ինը գնալով ավելի է դուրս գալիս: Նրա հեղինակած գրքի վերահրապարակուը իսկական հիստերիկ ալիք է բարձրացրել թուրքական մամուլում, որտեղ այն ընկալել են ծանր վիրավորանք՝ թուրք ժողովրդի հասցեին:
Գրքի «Կրոններ» բաժնում Պապը գրել է. «20-րդ դարում իրենց աստվածներ համարողները հիմնահատակ կործանել են գյուղական բնակավայրերը: Թուրքերը դա արել են հայերի, նացիստները` հրեաների, ստալինյան կոմունիստները` ուկրաինացիների նկատմամբ: Մարդկանց սպանելու համար օգտագործել են աստվածային թեմաների մեկնաբանություններ»: Պապը նաև նշել է, որ Հայոց ցեղասպանության ժամանակ մեծ տերությունները «ձեռքերը լվանալով», մի կողմ քաշված` անտարբեր դիտել են:
Թուրքերին հատկապես վրդովեցրել է Հայոց ցեղասպանության համեմատությունը հրեական Հոլոքոսթի հետ և թուրքերի համեմատությունը՝ նացիստների հետ:
