Wnews.am-ը գրում է.
Այսօր ՀՀ առաջին տիկնոջ՝ Ռիտա Սարգսյանի ծննդյան օրն է։ Ռիտա Ալեքսանդրի Սարգսյանը ծնվել է 1962թ․ մարտի վեցին Ստեփանակերտում։ Wnews.am-ը շնորհավորում է առաջին տիկնոջը և ներկայացնում 5 փաստ նրա մասին:
1. Ռիտա Սարգսյան (օրիորդական ազգանունը Դադայան) ծնվել է զինծառայողի ընտանիքում: Ավարտել է Ստեփանակերտի Ա. Գրիբոյեդովի անվան հ.3 միջնակարգ դպրոցը, ստացել է երաժշտական կրթություն եւ աշխատել մանկապարտեզում` որպես երաժշտության ուսուցչուհի: Հենց իր սաներից մեկի ծննդյան տոնին էլ ծանոթանում է ապագա ամուսնու՝ ՀՀ նախագահ Սերժ Սարգսյանի հետ: Նա հոգատար էր և սիրալի: Սերենադներ չի երգել, բայց ծաղիկներ, անշուշտ, նվիրել է: «Նա այն մարդն էր, ում ես սպասում էի: Հորս նա միանգամից դուր եկավ»,-պատմում է Ռիտա Սարգսյանը:
Ունի երկու դուստր` Անուշն ու Սաթենիկը եւ հինգ թոռնիկ` Մարիամը, Արան, Սերժը, Ռիտան և Տիգրանը: 2008 թվականից ՀՀ առաջին տիկինն է։
2. Ռիտա Սարգսյանը զբաղվում է բարեգործությամբ.
2010 թվականից «Նվիրիր կյանք» արյան քաղցկեղ և այլ ծանր հիվանդություններ ունեցող երեխաների բարեգործական հիմնադրամի հոգաբարձուների խորհրդի պատվավոր նախագահն է: 2011 թվականին Ռիտա Սարգսյանը ստեղծել է «Արագիլ» հիմնադրամը, որի նպատակն է աջակցել սոցիալապես անապահով զույգերին՝ արհեստական բեղմնավորման միջոցով երեխա ունենալ: Ռիտա Սարգսյանի ջանքերով 2012 թվականի ապրիլի 2-ին ստեղծվել է «Աուտիզմ» ազգային հիմնադրամը:
3. Առաջին տիկնոջ հովանու ներքո մի շարք մրցույթներ ու փառատոններ են կազմակերպվում.
Առաջին տիկնոջ հովանու ներքո անցկացվում են Արամ Խաչատրյանի անվան միջազգային մրցույթները, «Վերադարձ» միջազգային մրցույթ-փառատոնը, «Վերածնունդ» դասական երաժշտության փառատոնը, Հայաստանի պետական ֆիլհարմոնիկ նվագախմբի Երևանյան միջազգային փառատոնը, «Նոր անուններ» մանկական միջազգային մրցույթ-փառատոնը, «ԱրմՄոնո» թատերական միջազգային փառատոնը, «Թումանյանական հեքիաթի օր» տիկնիկային միջազգային փառատոնը և բազմաթիվ այլ միջոցառումներ:
Ամբողջական հոդվածը կարող եք կարդալ այստեղ։
