Մերիլին Մոնրոն հայտնի «սեքս սիմվոլ» է, ով անգամ մահանալուց հետո շարունակում է հայտնի լինել։ Նրա մասին երազել են հարյուրավոր տղամարդիկ։ Դերասանուհին շատ է ցանկացել մայր դառնալ, սակայն նրա մոտ այդպես էլ չի ստացվել երեխա ունենալ։

Մոնրոյի 3 հղիությունները, որոնց մասին գիտեն բոլորը, այդպես էլ բարեհաջող ավարտ չեն ունեցել։

Վերջերս պարզվել է, որ Մերիլինը նաև 4-րդ անգամ է փորձել մայր դառնալ։ Նրա փոքրիկ փորը հաջողվել է բացահայտել 1960 թվականի որոշ նկարներում։

Դերասանուհու հետաքրքիր նկարները պահպանվել են նրա ընկերուհու՝ Ֆրիդա Հալլի մոտ։ Կինը մահացել է 2014 թվականին և նրա մահանալուց հետո կնոջ իրերը, որոնք կապված են եղել Մերիլինի հետ, աճուրդի են հանվել։ Հենց այնտեղ էլ հայտնաբերվել են հղի դերասանուհու նկարները։

Ինքը՝ Ֆրիդան, բավականին համեստ է ապրել։ Նա երբեք չի փորձել հարստանալ իր հայտնի ընկերուհու միջոցով։

Սկզբից ոչ ոք նկարներին ուշադրություն չի դարձրել։ Այն ձեռք է բերել Տոնի Մայքլսը՝ Ֆրիդի մոտիկ ընկերը, 2 000 դոլարի դիմաց։ Նա որոշել է կիսվել հասարակության հետ Մերիլինի 4-րդ հղիության նկարներով։

Պարզվում է, Ֆրիդան նկարել է դերասանուհուն նրա ֆիլմերից մեկի նկարահանման ժամանակ։ Նրա կիսաշրջազգեստը ընդհանրապես չի թաքցնում դերասանուհու կլորացած փորը։


Ինչպես նաև հայտնի է դարձել, որ երեխայի հայրը Մոնրոյի ամուսինը՝ Արթուր Միլլերը չի եղել, այլ դերասան Իվ Մոնտանը։ Նրանց սիրավեպի մասին երկար ժամանակ խոսել են։ Շատերն անգամ հաստատում էին, որ հենց այդ փաստն է դարձել Մերիլինի և Արթուրի ամուսնալուծության պատճառը։

Սակայն այս հղիությունը նույնպես բարեհաջող չի ավարտվել, ինչպես մյուս երեքը։ Ինչպես երևում է, դա Մոնրոյի ճակատագիրն էր։ Իհարկե, կար մի տղա, ով որոշել էր հարստանալ Մոնրոյի միջոցով՝ հայտնելով, որ նա Մերիլինի և Ջոն Քենեդիի որդին է, սակայն նրան այդպես էլ ոչ ոք չհավատաց։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել