Բայց մի անգամ խանութպանը սկսեց կասկածել հաց վաճառող աղքատ մարդու ազնվության մեջ և որոշեց կշռել հացերը: Պարզվեց, որ հացերից յուրաքանչյուրը կշռում էր ոչ թե 1 կգ, այլ՝ 900 գրամ: Դա շատ բարկացրեց խանութպանին:
Մյուս առավոտ, երբ այդ նույն աղքատը եկավ խանութ, խանութպանը բարկացած ասաց.
– Այլևս չբերես ինձ քո հացը: Միևնույնն է, այլևս քեզնից ոչինչ չեմ գնելու: Խաբեբա: Դու ինձ ասում էիր, որ հացերը կշռում են մեկ կիլոգրամ, այն դեպքում, որ իրականում դրանք 900 գրամ են: Ես թույլ չեմ տա ինձ հիմարեցնել:
Խեղճը կախեց գլուխը, կկոցեց աչքերը և ասաց.
– Մենք, պարոն, կշեռք չունենք… Որպես չափորոշիչ ես միշտ օգտագործել եմ քեզնից գնած շաքարավազի կիլոգրամը: Դրանով ենք ես ու կինս կշռում հացերը…
ՀԳ. Հիշի՛ր, որ քո ընտրած չափման միավորով էլ քեզ կչափեն։
Նյութի աղբյուր՝ https://www.facebook.com/sanasark/posts/1585237464900776?notif_id=1517640693383487¬if_t=close_friend_activity&ref=notif
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
