Հետույքի մկաններն ամենից բարդն են. ձիգ հինգերորդ կետ ստանալու համար անհրաժեշտ կլինի մարզասրահում քրտնել: Հետույքը ձգելու լավ միջոց է համարվում վազքը, հեծանվավազքը, սանդուղքով բարձրանալն ու իջնելը, անվաչմուշկներով կամ չմուշկներով սահելը. այսինքն՝ շարժումների այնպիսի տեսակները, երբ առավելագույնս լարվում է կոնքերի վերեւի հատվածը: NEWS.am STYLE-ը որոշեց օգնել եւ առաջարկում է մի քանի շատ պարզ վարժություն:
1. Լարում ենք հետույքը. շատ ուժեղ լարում ենք հետույքը եւ այդպես պահում 5-7 վայրկյան, ինչից հետո 2-3 վայրկյան հանգստանում ենք: Հարկավոր է կրկնել այս վարժությունը 12-15 անգամ:
2. Ցատկեր. տեղում սահուն ցատկեր ենք կատարում: Նախ ցանկում ենք երկու, հետո՝ մեկ ոտքի վրա՝ հերթագայելով աջը եւ ձախը: Ցատկում ենք 7-10 րոպե, օրական մի քանի անգամ:
3. Ոտքերի թափահարում. բարձրացնում եք ոտքը եւ հետ տանում, այնպես, որ հետույքում լարում զգաք: Այս դիրքում մնում ենք 5-7 վայրկյան: Հիմա փոխում ենք ոտքը: Հարկավոր է կրկնել վարժությունը 2-3 անգամ, 12 անգամ՝ յուրաքանչյուր ոտքով:
Մարզվեք պարբերաբար, այդ դեպքում գոհ կլինեք ձեր ձիգ եւ կլորացած հետույքից:
Նյութի աղբյուրը` այստեղ
