«Քրեական հեղինակություն համարվող «Ճվճըվ Արո» մա­կանունով հայտնի Արա Վարդանյանի կինը՝ Սար­գիս և Սերժ Վարդանյան­ների մայրը՝ տիկին Նարինեն, սթրեսի մեջ է:
 
Տիկին Նարինեն այս փուլում չի ցան­կանում զրուցել լրագրողների հետ: «Ինքը հիմա շատ վատ վիճակում է»,-համենայնդեպս, այսպես մեզ փոխանցեց նրա հարսը՝  հունվարի 8-ի ողբերգական վթարի մասնա­կից Սարգիս Վարդանյանի կինը՝ Ռաֆայելան:
 
Հիշեցնենք, որ Նարինե Վարդան­յանի երկու որդիներն էլ այժմ կալանքի տակ են՝ «Նուբարաշեն» ՔԿ հիմնարկում:
 
ՃՈ տեսուչների մահվան պատճառ դարձած ավտովթարի մաս­նակից Սարգիս Վարդանյանը մե­ղադրվում է ՀՀ քրեական օրենսգրքի 242-րդ հոդվածի 2-րդ մասով (ճանապարհային երթևեկության կա­նոնները խախտելը, որն անզգուշու­թյամբ առաջացրել է մարդու մահ) և ՀՀ ՔՕ 244 հոդվածով (ճանապարհատրանսպորտային պատահարի վայրը թողնելը):
 
Դեպքի հանգամանքների և մե­ղավոր լինելու-չլինելու վերաբերյալ հարցերին Վարդանյանների ընտա­նիքը դեռ չի ցանկանում պատաս­խանել: Երեկ մեզ հաջողվեց զրուցել այժմ կալանքի տակ գտնվող Սար­գիս Վարդանյանի կնոջ հետ:
 
Ռաֆայելան մեր հարցերին ի պատասխան միայն ասաց, որ ող­բերգական վթարի օրը ամուսինն իր մոտ հիվանդանոցում է եղել: Ռաֆայելան հղի է, առաջնեկին են սպասում, և առողջական խնդիրնե­րի պատճառով «Էրերունի» ԲԿ-ում բուժում էր ստանում. «Մենակ կարող եմ ասել, որ ես իրեն այդ օրը ուղար­կել եմ տուն, տանից ինձ շտապ բան պետք է բերեր, հիմա չեմ ուզում շատ մանրամասնել: Պետք է դա բե­րեր ինձ մոտ, և մենք իրար հետ մնայինք հիվանդանոցում: Չի հասցրել մտնել տուն, դեպքը եղել է»,- ասաց Ռաֆայելան:
 
Դիտարկմանը, որ ըստ շրջանառվող տեղեկությունների Սար­գիս Վարդանյանն այդ օրն ընկեր­ների հետ հավաքույթի է եղել և խմիչք է օգտագործել, կինը պատաս­խանեց. «Դա սուտ է, նման բան չկա, հաստատ գիտեմ, որ ինքը խմիչք չի օգտագործել, ինձ մոտ է եղել»: Սարգիս և Սերժ Վարդանյաննե­րի մորական պապը հայտնի «Գազի Կոլյան» է, Տրանսգազ ՍՊԸ տնօրեն Նիկոլայ Գաբրիելյանը, որը մտերիմ հարաբերությունների մեջ է իշխա­նությունների հետ: Կհաջողվի՞ արդ­յոք այս անգամ էլ ջրից չոր դուրս հանել թոռներին, դեռ հայտնի չէ»,-գրում է թերթը:
 
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել