Asekose.am-ը գրում է.
Երգչուհի Սոնա Շահգելդյանը ֆեյսբուքյան իր էջում անդրադարձել է Econews-ի այն հրապարակմանը, որում նշված էր, որ 25-ամյա Խորեն Գրիգորյանը սպանում, տանջում է տարատեսակ կենդանիների, հանում ատամները, սիրտը,ուտում է այնպիսի կենդանիներ, որոնք ընդհանրապես պիտանի չեն որպես սնունդ:
Սոնան մասնավորապես գրել է. «Էս տականքին պետք ա սատկացնել, ոչ թե նմանատիպ բաներն անտեսել: Եթե էդքան էս զիբիլը կա, թող մի հատ ձայն հանի: Զզվելի ընտանիքովդ վառվեք, կներեք, շատ բարկացած եմ»:
Հավելենք, որ երիտասարդն իր` կենդանիների նկատմամբ արած դաժանությունները լուսանկարում և հրապարակում է սոցիալական ցանցերում:
Հիշեցնենք, որ Սոնա Շահգելդյանն աչքի է ընկնում կենդանիների նկատմամբ յուրահատուկ վերաբերմունքով: Մի առիթով այն հարցին` արդյո՞ք կարիերան կզոհի հանուն անտուն կենդանիների, երգչուհին նշել է. «Եթե պահը գա, գուցե՝ այո: Բայց առանց կարիերայի, էլի զոհել եմ շատ բաներ հանուն կենդանիների: Ամեն օր պահում, խնամում եմ նրանց, այդ դեպքում խիղճս հանգիստ է: Առհասարակ, շատ եմ կենդանիներ սիրում»:
