«Տավուշի մարզի գազալցակայաններում 1 խորանարդ մետր գազի գինը թանկացել է՝ դառնալով 200 դրամ: Եթե հանրապետության գրեթե բոլոր գազալցակայաններում գազի գինը տատանվում է 150-ից 180 դրամի սահմանում, ապա Տավուշի մարզկենտրոն Իջևան քաղաքում միանգամից բոլոր գազալցակայաններում գինը թանկացել է:
 
«ՀԺ»-ի տեղեկություններով, գազի գնի թանկացման միակ պատճառը գերշահույթ ստանալն է: Աղբյուրի փոխանցմամբ՝ թանկացման հեղինակը Տավուշի մարզպետ Հովիկ Աբովյանն է, որի անվան հետ կապվող գազալցակայանն է սահմանել 200 դրամ/1խմ սակագինը և ստիպել մյուս գազալցակայաններին իր օրինակին հետևել:
 
Փորձեցինք Հովիկ Աբովյանից պարզել, թե ինչու է նման քայլի գնացել, սակայն վերջինս, նախ՝ մեր հեռախոսազանգերն անջատեց, որից հետո սկսեց ընդհանրապես չարձագանքել զանգերին:
 
Այս խնդիրն ամբողջությամբ գտնվում է ՀՀ տնտեսական մրցակցության պետական պաշտպանության հանձնաժողովի վերահսկողության ոլորտում և հույս ունենանք, որ ստուգումներ կսկսվեն մարզի գազալցակայաններում»,-գրում է թերթը:
 
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել