«Հայկական ժամանակ». ՌԴ-ն մտնում է ՀՀ-ի շաքարավազի շուկա

«Ըստ պաշտոնական տվյալների՝ Հա­յաստանում շաքարավազի գների 14 տոկոսանոց անկում է արձանագր­վել: Այս պահին վաճառքի գինը կազմում է 335 դրամ: Նման պնդում լրագրողների հետ զրույցում վերջերս կատարել էր ՀՀ տնտեսական մրցակցության պաշտպանության պետական հանձնաժողովի նա­խագահ Արտակ Շաբոյանը:

 

Հայաստանի տնտեսության ամենամոնոպոլացված սեգմենտում՝ շաքարավազի շուկայում, գների նման տատանումը, այն էլ անկման միտումով, Շաբոյանը բացատրել էր մրցակցության «ուժեղացմամբ և խորացմամբ»: Այժմ ՏՄՊՊՀ նախագահի խոսքով՝ շուրջ 50 ընկերություն շաքարա­վազի ներկրում է իրականացնում: «Ճիշտ է, այդ 50-ից հիմնական մասը փոքր ընկերու­թյուններ են, անհատ ձեռներեցներ, որոնք փոքր խմբաքանակներով են ներկրում ապ­րանքը, բայց կարևորն այն է, որ մուտքի խոչընդոտներ չկան»,-նշել էր Շաբոյանը: Միևնույն ժամանակ նույն Շաբոյանը, որ հասարակության լայն շերտերին ավելի հայտնի դարձավ «բենզինի մեջ նավթի տե­սակարար կշիռը փոքր է» վիճելի պնդմամբ, չի նշում, մինչև օրս շաքարավազի գերկենտրոնացված շուկայում մրցակցության «ուժեղացման և խորացման» կամ ընդ­հանրապես մրցակցության առաջացման պատճառների մասին: Հայաստանում յու­րաքանչյուր տաքսու վարորդի է հայտնի, որ շաքարավազի ներկրման կամ արտադրու­թյան մենաշնորհը պատկանել է ՀՀ ԱԺ ՀՀԿ խմբակցության պատգամավոր, խոշոր գործարար Սամվել Ալեքսանյանին, որին երբեմն անվանում են Հայաստանի «շաքա­րավազի արքա»:

 

Այդ պնդումն այնքան կասկածի տեղիք չտվող ճշմարտություն էր, ինչպես, ասենք, «1+1=2»-ի պարզ թվաբանական գործողու­թյունը և դրա արդյունքը:

 

Ուստի հարց է առաջանում ինչ տեղի ու­նեցավ, որ իշխանությունը, ի դեմս Սամվել Ալեքսանյանի հրաժարվեց շաքարի մենաշ­նորհից կամ թույլ տվեց այդ գերշահութաբեր ոլորտում մրցակցության առաջացում: Հեռու պետք չէ գնալ և ուղղակի անհրա­ժեշտ է հիշել Եվրասիական միջկառավա­րական խորհրդի նիստը Երևանում ու Ռու­սաստանի շաքարավազի շուկայում գների գահավիժման փաստը: Սրան գումարվում է նաև գլխավորը՝ ՌԴ-ի ցանկությունը շաքա­րավազ վաճառել Հայաստանում, ինչին կանդրադառնանք քիչ ավելի ուշ:

 

Մինչ այդ ի՞նչ տեղի ունեցավ Եվրասիա­կան միջկառավարական խորհրդի նիստի արդյունքում: Եվրասիական տնտեսական հանձնաժողովի կոլեգիայի նախագահ Տիգրան Սարգսյանը լրագրողների հետ հանդիպմանը հայտարարեց, որ այժմ քննարկվում են ԵԱՏՄ շրջանակներում շաքա­րավազի ընդհանուր շուկա ստեղծելու հնա­րավորությունները:

 

«Մտածել ենք շաքարի նոր շուկա ստեղ­ծելու մասին: Այստեղ խնդիր է առաջացել, որը զեկուցել է ՌԴ գյուղատնտեսության նա­խարարը: Հանձնարարվեց մշակել մեխանիզմներ ընդհանուր շուկայում շաքարի հումքի ներմուծման առնչությամբ, որպեսզի շաքարի ճակնդեղի արտադրությունում խն­դիրներ չլինեն: Որովհետև ստացվում է՝ մեր շուկան սեգմենտավորվում է տարբեր տիպի շաքարի ու հումքի առումով, ինչպես կարգավորել իրավիճակը, որպեսզի հավասար մրցակցություն լինի և շաքարի արտադրության համար 3-րդ երկրներից հումք ներմու­ծող գործարարների իրավունքները չխախտվեն»,- ասաց Սարգսյանը»,-գրում է թերթը:

 

Նյութն ամբողջությամբ կարդացեք թերթի այսօրվա համարում: