Շատ քչերը գիտեն, թե ինչքան կարևոր է ողնաշարը մյուս օրգանների և համակարգերի առողջության համար։ Սակայն պետք է միշտ հիշել, որ մարդու օրգանիզմը շատ բարդ ու փոխկապակցված համակարգ է, որի ընդամենը մեկ մասի աշխատանքի խախտումը կարող է ավելի մեծ և նույնիսկ անուղղելի հետևանքներ առաջացնել։
BlogNews-ը կպատմի, թե ինչքան կարևոր է հետևել ողնաշարի առողջությանը։
Պարանոցային ողեր
1-ից 7-րդ ողերը կապված են ուղեղի վիճակի, խոսակցական ապարատի, տեսողական և լսողական համակարգերի առողջության հետ։ Հենց այդ պատճառով էլ այդ հատվածի հետ խնդիրները կարող են գլխացավեր առաջացնել։
7-րդ ող
Սա խոշոր նյարդային կենտրոն է, որը պատասխանատու է վահանագեղձի առողջության համար։ Բացի այդ՝ այն կապված է սրտի առողջության հետ։ Հենց այդ պատճառով էլ պարանոցի շրջանում արտահայտված շեղում ունեցող մարդկանց 99%-ը սրտի հետ խնդիրներ ունի։
Կրծքավանդակի շրջան
Այս շրջանը կապված է մարսողական և միզամուղ համակարգերի հետ, հենց այդ պատճառով էլ այս հատվածում շեղումներ ունեցող մարդիկ խնդիրներ են ունենում երիկամների և ստամոքսի հետ։
Գոտկային հատված
Այս հատվածի առողջությունը կապված է աղեստամոքսային համակարգի հետ։ Հենց դրա պատճառով էլ աղիների հետ խնդիրներ ունեցող մարդիկ ողնաշարի այս մասում ցավեր են զգում, որոնք անհետանում են աղիները բուժելուց հետո։ Բացի այդ՝ այս հատվածը կապված է նաև սեռական օրգանների հետ։ Դրա պատճառով էլ սեռավարակներն ու այլ վեներական հիվանդությունները կարող են տհաճության զգացում առաջացնել այս շրջանում։
