168.am-ը գրում է.
Եվրախորհրդարանի՝ «Եվրոպական միավորված ձախերի» խմբակցության մեջ մտնող պատգամավորները հայտարարել են, որ Կատալոնիայի բնակիչները ժողովրդավարական ուղով իրենց ապագան որոշելու իրավունք ունեն: Այս մասին հայտնում է «ՏԱՍՍ»-ը:
«Ինչպիսին էլ որ լինի մեր կարծիքը Կատալոնիայի անկախության կամ հոկտեմբերի 1-ի հանրաքվեի մասին, այն չի կարող արդարացնել ուժի կիրառումը, ճնշումները և սպառնալիքները: Կատալոնիայի ժողովրդին պետք է թույլ տան ժողովրդավարական ուղով իրենց ապագան որոշել», – նշվում է հայտարարության մեջ:
Կատալոնիայի իշխանությունները պատրաստվում են հոկտեմբերի 1-ին անցկացնել անկախության հանրաքվե, որը չի ճանաչում Իսպանիայի կառավարությունը: Իսպանիայի Սահմանադրական դատարանը կասեցրել Է քվեարկության կապակցությամբ բոլոր փաստաթղթերի գործողությունը, որոնք անցյալ շաբաթ ընդունվել Էին Ժեներալիտետի եւ Կատալոնիայի խորհրդարանի կողմից:
