Shamshyan.com-ը գրում է.
Երեկ` սեպտեմբերի 15-ին արտակարգ դեպք է տեղի ունեցել Կոտայքի մարզում: Ժամը 20:40-ի սահմաններում Արտակարգ իրավիճակների նախարարության փրկարար ծառայության օպերատիվ կառավարման կենտրոն քաղաքացիների կողմից ահազանգ է ստացվել, որ Ծաղկաձոր քաղաքի Իսահակյան փողոցի թիվ 8 հասցեում գտնվող «Թփուտներ» ռեստորանային համալիրի տարածքում գտնվող վանդակից արջը դուրս է եկել և վտանգ է առաջացնում այցելուների համար:
Ինչպես հայտնում է ֆոտոլրագրող Գագիկ Շամշյանը` նշված վայր են ժամանել Հրազդանի թիվ 44 հրշեջ փրկարարական ջոկատը` 1 մարտական հաշվարկով:
Ժամանել են նաև թիվ 15 փրկարարական ջոկատը` փոխգնդապետ Սերգեյ Բիձյանի գլխավորությամբ: Տեղեկությունը փոխանցվել է նաև Երևանի կենդանաբանական այգու տնօրինությանը, և տնօրեն Ռուբեն Խաչատրյանի հանձնարարությամբ կենդանաբանական այգու համապատասխան խումբը մեկնել է Ծաղկաձոր:
Հրշեջ փրկարարներնին հաջողվել է արջին մտցնել վանդակ:
Ամբողջական հոդվածը կարող եք կարդալ այստեղ։