Մարդկանց գլխուղեղում արտադրվող դոֆամին նյութը մի շարք կարևոր գործառույթներ ունի: Կարգավորում է մեր շարժումները և ղեկավարում է մեր գլխուղեղի հաճույքի կենտրոնը: Դոֆամինի պակասը հանգեցնում է տրամադրության անկման, ընկճախտի և հոգեբանական այլ խնդիրների առաջացմանը: Բարեբախտաբար, գոյություն ունեն դոֆամինի մակարդակը առանց դեղամիջոցների բարձրացնելու 10 պարզ, բնական միջոցներ
1. Թմրանյութեր մի օգտագործեք
Թմրանյութերից, ալկոհոլից կամ այլ երևույթներից կախվածությունը մեզ ակնթարթային հաճույք է պատճառում, բայց երբեք չի լուծում մեր խնդիրները: Ցանկացած տեսակի կախվածության զարգացումը կանխելու համար պետք է ձգտել ապրել կյանքի համար օգտակար հաճույքներով հագեցած լիարժեք կյանքով: Շատ կարևոր է հաճույք ստանալ պարզ բաներից՝ զրույց, զբոսանք, ընթերցանություն:
2. Փոքրիկ խնդիրներ
Երբ մենք որևէ խնդիր ենք լուծում, բարձրանում է դոֆամինի մակարդակը մեր գլխուղեղում: Պետք է անելիքների ցուցակ կազմել և հերթով ջնջել կատարված գործերը, դա բարձրացնում է մեր ինքնագնահատականը և ապահովում բարձր տրամադրություն:
3. Ինչ-որ բան ստեղծեք
Ստեղծագործական ակտիվությունը բարձրացնում է դոֆամինի մակարդակը և ձեզ ավելի նպատակասլաց դարձնում: Կարևոր չէ, թե որ ոլորտին կվերաբերի ձեր ստեղծագործությունը կամ մասնագիտական ինչ որակ կունենա, կարևոր է, որ պարզապես ստեղծեք:
4. Վարժություններ
Պարբերաբար արվող վարժությունները նվազեցնում են սթրեսի հավանականությունը, ուրախ տրամադրություն են ապահովում և ամրացնում առողջությունը:
5. Նպատակներ
Ծրագրեք ձեր նպատակները և նշեք դրանց իրականացման օրացուցային օրերը:
6. Ավելացրեք տիրոզինի քանակը
Տիրոզինը շատ կարևոր քիմիական նյութ է, որ օգնում է դոֆամինի արտադրմանը: Տիրոզինի քանակը օրգանիզմում ավելացնելու համար անհրաժեշտ է շատ օգտագործել նուշ, ավոկադո, ձմերուկ, կանաչ թեյ և մուգ շոկոլադ:
7. Երաժշտություն լսեք
Երաժշտությունը նույնպես դոֆամինի մակարդակը բարձրացնող միջոց է, թեպետ այն ժամանակավոր է ազդում մեր տրամադրության վրա:
8. Մեդիտացիա
Հաջորդ օգտակար գործողությունը մեդիտացիան է, որ հանգստացնում է մեր ուղեղը և օգնում սթրեսի դեմ պայքարում:
9. Սննդային հավելումներ ընդունեք
Ացետիլ-1-տիրոզին, Գինկգո Բիլոբա, L-թեանին, Քրքումին սննդային հավելումները բարձրացնում են դոֆամինի մակարդակը:
10. Օրգանիզմի մաքրում
Օրգանիզմում կուտակվող թունավոր նյութերը խանգարում են դոֆամինի արտադրմանը:
