Ուկրաինայի Լվով քաղաքում իրավապահ մարմինների աշխատակիցներն ազատ են արձակել բոլոր պատանդներին, որոնց պատանդառել էր տեղի հոգեբուժարանի հիվանդներից մեկը։ Այս մասին հաղորդվում է քաղաքի պարեկային ոստիկանության Facebook-ի էջում, փոխանցում է Lenta.ru-ն:
Հոգեբուժարանի աշխատակիցներն իրավապահներին կանչել են ուրբաթ երեկոյան։ Նրանց խոսքով՝ իրենց հիվանդներից մեկն արգելափակել է կլինիկայի բաժանմունքներից մեկի մուտքը, որտեղ այդ պահին 76 հիվանդ է գտնվել և սկսել սպառնալ ֆիզիկական բռնությամբ։
Դեպքի վայր ժամանած ոստիկանները որոշել են գրոհ կազմակերպել շենքի վրա։ Այդ ժամանակ պատանդառուն կոտրել է պատուհաններից մեկն ու ապակու կտորներվ վնասվածքներ հասցրել 10 մարդու։ Ավելի ուշ նրանցից վեցը հոսպիտալացվել են։
Բացի այդ, գրոհի ընթացքում 5 ոստիկան է տուժել։
Պատանդառուն Լվովի 30-ամյա բնակիչ է, որը հոգեբուժարանում հարկադիր բուժման է ուղարկվել հորը սպանելու համար։ Նա հորը դանակով 72 հարված էր հասցրել։
Նյութի աղբյուր՝ http://www.aysor.am/am/news/2017/08/05/%D4%BC%D5%BE%D5%B8%D5%BE-%D5%B0%D5%B8%D5%A3%D5%A5%D5%A2%D5%B8%D6%82%D5%AA%D5%A1%D6%80%D5%A1%D5%B6/1296080
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
