Շոտլանդիայի Լուդոն շրջանի դատարանի երդվյալ ատենակալները Ջեյսոն Բրուքսի համար պահանջում են 137 տարվա ազատազրկում և 6,000 դոլար տուգանքի նշանակում։
Ջեյսոն Բրուքսը մեղադրվում է խոշոր չափերի հասնող 6 գողություններ անելու, գողոնները ապօրինաբար վաճառելու, ուրիշին պատկանող գույքը մի քանի անգամ վնասելու և շատ այլ հանցագործություններ կատարելու մեջ։
Հետաքննության արդյունքում պարզվել է, որ մեղադրյալն անցյալ տարվա ընթացքում 11 մեքենաների անիվներ է գողացել․ մարդիկ դիմումներ էին ներկայացրել ոստիկանության բաժանմունքներ, որ իրենց մեքենաների անվադողերը գողացել են և փոխարենը քարե կտորներ դրել։
Ոստիկանները կասկածում էին, որ այդ բոլոր հանցագործությունները մեկ մարդ է կատարել, քանի որ բոլոր քարե կտորների վրա կապույտ կտորի հետքեր կային։
Բրուքսի տունը խուզարկելուց հետո անվադողերի՝ կապույտ կտորի մեջ փաթաթված մանեկներ, պտուտակներ և պտուտակահաններ հայտնաբերվեցին, ինչն էլ հիմնավորեց ոստիկանների բոլոր կասկածները։
Դատարանը Ջեյսոն Բրուքսի դատավճիռը կհրապարակի հոկտեմբերի18-ին։
