Tert.am-ը գրում է.
Ղարաբաղա-ադրբեջանական շփման գծում իրադրությունը կարող է փոխվել վայրկյանների ընթացքում: Այսօր լրագրողների հետ զրույցում ասաց կինոռեժիսոր Արշակ Զաքարյանը, ով նոր է վերադարձել Ղարաբաղից:
Նա նշեց, որ լարվածություն, իհարկե կա, հատկապես նրանից հետո, երբ Ադրբեջանն իր ներքի լսարանի համար ձևականություններ անում է զոհված երեխայի ու կնոջ հետ կապված:
«Ադրբեջանը փորձում է ցույց տալ, թե իբրև ինչ–որ բան անում են, խոցելի տեղեր են ման գալիս, փորձում են գտնել ինչ-որ հնարք, որ մեզ վնաս պատճառեն»,- ասաց Արշակ Զաքարյանը:
Կինոռեժիսորը նկատեց, որ եթե Ադրբեջանի զինուժը նախկինում գիշերներն էր նման ոտնձգություններ թույլ տալիս, հիմա սկսել է հրետակոծել ցերեկվա ժամերին: «Հիմա, հավանաբար, որ տեխնիկապես լավ զարգացրել ենք առաջնագիծը, հասկանալով, որ գիշերը վտանգավոր է դարձել իրենց համար, խոցելի են, ցերեկներն են սկսել հրետակոծել»,- նշեց Արշակ Զաքարյանը:
Ամբողջական հոդվածը կարող եք կարդալ այստեղ
