Tert.am-ը գրում է.
Արտաքին գործերի նախարար Էդվարդ Նալբանդյանն այսօր Ազգային ժողովում 2016թ. բյուջեի կատարողականի քննարկմանը նշեց, թե բյուջեի խնայողության արդյունքում 304 մլն դրամ վերադարձվել է բյուջե, իսկ ԱԳՆ հիմնական ծրագրերը եղել են ապարատի պահպանում, դեսպանությունների ու ներկայացուցիչների պահպանում, միջազգային անդամակցության վճարներ:
Էդվարդ Նալբանդյանն ասաց, թե 104.000 դոլար քարոզչական ծախսերի համար է հատկացված, որը շուրջ 10 տարի նույնն է: Նա հիշեցրեց, որ նախորդ անգամ պատգամավորներից հարց էր ուղղվել, թե պետք է ավելացնել, քանի որ այդ գումարը ամերիկյան The New York Times պարբերականի մեկ հոդվածին կբավարարի միայն, որին համակարծիք է, բայց հասկանում է, որ եղած հնարավորությունը դա է:
Նախարարը նշեց, թե դիվանագիտական 57 ներկայացուցչություն ունենք, որից 32-ը գործում են 1+1 տարբերակով, այսինքն՝ դեսպան և մեկ դիվանագետ: «Սա է մեր հնարավորությունները և կատարել են այն պատասխանատվությունները, հանձնարարականները, որ դրված են նրանց առաջ»,- ասաց նա:
Ամբողջական հոդվածը կարող եք կարդալ այստեղ
