Կանխիկ դրամի «հորդառատ» շրջանառությունը

Հայաստանում շրջանառությունում առկա կանխիկ դրամը 2017 թվականին մարտին կազմել է 399 մլրդ 545 մլն: ԿԲ-ի հրապարակած տվյալների համաձայն՝ փետրվարին այն կազմում էր 364 մլրդ 536 մլն դրամ: Մեկ ամսվա ընթացքում շրջանառությունում առկա կանխիկ դրամն ավելացել է 35 մլրդ 9 մլն դրամով:

2016 թվականին մարտի համեմատ այն ավելացել է 81 մլրդ 281 մլն-ով: 2016 թվականի մարտին դրամի կանխիկ շրջանառությունը կազմել էր 318 մլրդ 264 մլն:

Ընդհանուր փողի բազան այս տարվա մարտին կազմել է 950 մլրդ 635 մլն դրամ, իսկ նախորդ տարվա մարտին` 874 մլրդ 198 մլն: Մեկ տարվա ընթացքում փողի բազան ավելացել է 76 մլրդ 437 մլն դրամով: 2017 թվականի փետրվարին փողի բազան կազմել էր 917 մլրդ 920 մլն` մարտի ցուցանիշին զիջելով 32 մլրդ 715 մլն դրամով: