Հիփոթեքային վարկերի «փրայս լիստը» տարեսկզբին

2017 թվականի մարտի վերջի դրությամբ՝ Հայաստանի առևտրային բանկերի կողմից ՀՀ ռեզիդենտներին տրամադրված հիփոթեքային վարկերի ծավալը կազմել է 182 մլրդ 395 մլն դրամ։ ԿԲ-ի հրապարակած տվյալների համաձայն՝ հիփոթեքային վարկային պորտֆելի 89.4 մլրդ-ը դրամային է, իսկ 92.9 մլրդ-ը տրամադրված է արտարժույթով։ Նշենք, որ ընդհանուր առմամբ դրամային վարկերի ծավալն աճել է 931 մլն դրամով, իսկ արտարժույթով վարկերի ծավալը՝ նվազել 1 մլրդ 157 մլն դրամով։

Հատկանշական է, որ հիփոթեքային վարկերի մեծ մասը (149.1 մլրդ դրամ) անշարժ գույքի ձեռքբերման վարկեր են։ Անշարժ գույքի վերանորոգման վարկերի ծավալը 25.6 մլրդ դրամ է, կառուցապատման հիպոթեքային վարկերինը՝ 7.6 մլրդ դրամ։