Սննդամթերքի անվտանգության պետական ծառայությունը, արձագանքելով Արցախի Հանրապետությունում աճեցված և «Քարֆուր» սուպերմարկետում վաճառվող բրնձի մասին սոցիալական կայքում տեղ գտած տեղեկությանը, դիտարկում է իրականացրել «Քարֆուրում»:
Այս մասին հայտնում է ՍԱՊԾ մամուլի խոսնակ Նվարդ Առաքելյանը:
«Արդյունքում պարզվել է, որ Արցախում (Խերխան գյուղում) Real Yummy Bagels ընկերությունը, ըստ տնօրենի՝ Քարոլին Բաղումյանի հայտարարության, փորձնական աճեցրել է բրինձ՝ 28,5 կգ, փաթեթավորել և հանձնել այն վաճառքի՝ «Քարֆուր» և Սարյան փ. վրա գտնվող «Նոր Զովք» խանութներ: Փաթեթավորված բրնձի մակնշումը թերի է եղել՝ բացակայել է համապատասխանության նշանը, և ՍԱՊԾ-ն ժամանակավորպես կասեցրել է խմբաքանակի իրացումը՝ մինչև անհամապատասխանության վերացումը, միաժամանակ, տրամադրվել է մասնագիտական խորհդատվություն այն կարճ ժամկետում շտկելու և իրացնելու նպատակով: Նշենք, որ ընկերությունը գրանցված է Սննդամթերքի անվտանգության պետական ծառայության բազայում»:
Ֆեյսբուքում օրերս օգտատեր Արթուր Եղիազարյանը լուսանկար էր տեղադրել վաճառվող բրնձի մասին եւ գրել, թե սա կեղծիք է, Արցախում բրինձ չի աճեցվում և չի կարելի Արցախի անվան տակ նման ձևով վաճառք ապահովել: Գրառումն արձագանք էր ստացել, եւ Արցախի գյուղատնտեսության նախարարությունը հայտարարել էր, թե բրինձ իրենց մոտ չի աճեցվում, սակայն այսօր արդեն Եղիազարյանի հետ կապ էր հաստատել այն արտադրող Քարոլին Բաղումյանը:
Ամբողջական հոդվածը կարող եք կարդալ այստեղ:
Նյութի աղբյուր՝ http://yerkirmedia.am/economy/arcax-brindz-exiazaryan/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել