Մայրության և գեղեցկության տոնի՝ ապրիլի 7-ի առթիվ մայրաքաղաքում կազմակերպվող ու ավանդական դարձած տոնական միջոցառումների շարքում անակնկալ է մատուցվել քաղաքային տրանսպորտում:
«Ուրախ տրոլեյբուսն» ու «Ուրախ ավտոբուսը» ուղերթի ընթացքում կանանց ու աղջիկներին դիմավորել է կենդանի երաժշտությամբ:
Տրոլեյբուս և ավտոբուս բարձրացող, ինչպես նաև կանգառասրահներում իրենց երթուղուն սպասող բոլոր կանանց ու աղջիկներին երիտասարդ կամավորները փոխանցել են ծաղիկներ և Երևանի քաղաքապետի շնորհավորական բացիկները:
Հաճելի անակնկալից շոյված ուղևորուհիները նկատել են, որ ամեն տարի կանանց տոների առթիվ Երևանի քաղաքապետարանի կողմից մատուցվող անակնկալները ոչ միայն տոնական տրամադրություն են ստեղծում, այլև տոնական օրերն են դարձնում հիշարժան:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
