Նավթի համաշխարհային գները նվազում են

Լոնդոնի և Նյու Յորքի բորսաներում էլեկտրոնային առևտրի արդյունքներով նավթի համաշխարհային գները նվազել են: Այդ մասին գրում է Գազետա.ռու-ն:

Նյու Յորքի ապրանքային բորսայում  թեթև տեսակի WTI նավթի մայիսյան ֆյուչերսների արժեքները նվազել են 0,16%-ով՝  հասնելով  50,52  դոլարի՝ մեկ բարելի դիմաց։

Լոնդոնի  ICE Futures բորսայում Brent ապրանքանիշի նավթի մայիսյան ֆյուչերսներն էլ նվազել են 0,28%-ով՝ հասնելով բարելի համար 53,38  դոլարի:

Նշենք, որ մեկ բարելը կազմում է 158,988 լիտր: