PanARMENIAN.Net-ը գրում է.
ԱՄՆ Սենատը քվեարկել է ՆԱՏՕ-ին Չեռնոգորիայի անդամակցության օգտին: Մարտի 28-ին այդ որոշման օգտին է քվեարկել 97 պատգամավոր, դեմ՝ 2-ը:
Այսպիսով, Չեռնոգորիան կդառնա դաշինքի 29-րդ անդամը, եթե կողմ քվեարկեն նաև Նիդերլանդներն ու Իսպանիան: Նոր անդամների անդամակցության օգտին պետք է քվեարկեն ՆԱՏՕ-ի բոլոր անդամ պետությունները, գրում է Deutsche Welle-ն:
Ինչպես ասվում է Սենատի միջազգային հարաբերությունների կոմիտեի հայտարարության մեջ, «հարձակումը Չեռնոգորիայի վրա կամ նրա ապակայունացումը դրսից սպառնալիք կլինի Եվրոպայի կայունությանը և վտանգավոր ԱՄՆ ագային անվտանգության շահերի համար»:
Չեռնոգորիան ՆԱՏՕ-ին անդամակցելու շուրջ բանակցությունները կազմակերպության հետ սկսել էր 2015-ին: Կրեմլը դեմ է Հարավսլավիայի նախկին հանրապետության անդամակցությանը ՆԱՏՕ-ին՝ համարելով դա սադրանք, որը կարող է հզորացնել արևմտամետ ռազմական ներկայությունը Բալկաններում: