Բաուսա. Արգենտինայի հավաքականում Մեսսիից կախվածություն չկա

Armsport.am-ը գրում է.

Արգենտինայի հավաքականի գլխավոր մարզիչ Էդգարդո Բաուսան շատ գոհ է մնացել իր սաների խաղից ԱԱ-2018-ի ընտրական փուլի 13-րդ տուրի՝ Չիլիի հետ մրցավեճում:

Խաղալով սեփական հարկի տակ՝ արգենտինացիները նվազագույն հաշվով հաղթանակ տոնեցին՝ Լիոնել Մեսսիի՝ 11-մետրանոցից կատարած հարվածի շնորհիվ.

«Շատ գոհ եմ, քանի որ խաղը ստացվեց այնպես, ինչպես և մենք պատկերացնում էինք: Մեր թիմը հիանալի ֆուտբոլ ցուցադրեց: Մենք պարզապես չէինք վերահսկում գնդակը յուրաքանչյուր խաղակեսի վերջին 15 րոպեի ընթացքում: Իսկ պաշտպանությունում շատ ուժեղ էինք գործում»,- Բաուսայի խոսքերն է փոխանցում «Marca»-ն:

Մեսսիի վերաբերյալ Բաուսան ասել է, որ «Արգենտինայի հավաքականում նրանից կախվածություն չկա»: