Ի՞նչ կմնա Ադրբեջանից, երբ այդ փողերը վերջանան․ ռուս բլոգերը մեկնում է ԱրցախYerkir.am-ը գրում է.
 Ռուսաստանի քաղաքացի, բլոգեր Անտոն Նոսիկն իր բլոգում գրել է, որ մեկնում է ԼՂՀ: 
 «Առավոտյան գնում եմ Լեռնային Ղարաբաղի Հանրապետություն՝ հինավուրց հայկական Արցախ: Ասում են` ամենագեղեցիկ վայրն է ողջ Անդրկովկասում»,- գրել է բլոգերը։

 Նոսիկը նշել է, որ կա կարծիք, որ այնտեղ մուտք գործողները խախտում են Ադրբեջանի տարածքային ամբողջականությունը: Սակայն դա նրան չի մտահոգում, քանի որ Ադրբեջանի գոյությունը իբրև ինքնիշխան պետական կազմավորում՝ համարում է պատմական սխալ և թյուրիմացություն:
Ըստ բլոգերի՝ Մինսկից Լապշինի արտահանձնումը և Սաֆարովի ազատումը «նավթադոլարներով վճարված գործարքներ են»:
«Ի՞նչ կմնա Ադրբեջանից, երբ այդ փողերը վերջանան: Կապրենք, կտեսնենք: Այնքան էլ երկար չենք սպասելու», - գրել է նա: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել