Երեք օրով բացակայեցի Հայաստանիցս, մի երազանք ունեի այս քսան տարի և վերջապես իրականացրի, ամեն ինչ նորմալ էր, լավ էր, բայց..... «Զվարթնոց» օդանավակայան իջնելուց հետո կարոտից պատրաստ էի բոլոր չամուռ տաքսիստների հետ գրկախառնվել: Ներել ճանապարհին մեկ րոպեի ընթացքում հազար սուտ ասող տաքսիստին:

Անբացատրելի սեր ունեմ Երևանիս հանդեպ, խելագար մի զգացում, որ որևէ տրամաբանություն չի աշխատում:

Ախր ուրիշ տեղ
Հողի մեջ այսքան օրհնություն չկա,
Այսքան վաստակած հոգնություն չկա:

Ախր ուրիշ տեղ ձյունի մեջ՝ արև,
Եվ արևի մեջ այսքան ձյուն չկա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել