Կանանց միջազգային օրը, որը նշվում է մարտի 8-ին, Իտալիայում համարվում է ոչ թե գարնանային տոն, այլ կանանց իրավունքների պայքարի օր: Ինչպես հաղորդում է TASS գործակալությունը, Իտալիայի մայրաքաղաք Հռոմում տեղի է ունենում մեծ ցույց ՝ ընդդեմ խտրականության, կանանց դեմ բռնությունների:
Երթի պատճառով փակ են Հռոմի կենտրոնական մի շարք փողոցներ: Մայրաքաղաքի բնակիչներին ավելի մեծ անհարմարություններ կպատճառի հասարակական տրանսպորտի ոլորտի աշխատակիցների 24-ժամյա գործադուլը:
Բացի այդ գործադուլի մասին հայտարարել են մի քանի բժշկական հաստատություններ և դպրոցներ: Արհմիություններն այս օրը անվանել են «համերաշխության օր»: Բողոքի ակցիաներ են նախատեսվում նաև Իտալիայի այլ քաղաքներում, այդ թվում՝ Միլանում, Նեապոլում:
Նշենք, որ մարտի 8-ն Իտալիայում աշխատանքային օր է:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել