7 չափազանց արդյունավետ յոգայի դիրքեր` գեղեցիկ կուրծք ունենալու համար

Մենք հավատում ենք, որ յուրաքանչյուր մարդ կարող է կերտել այն մարմինը, որը ցանկանում է։ Այդ իսկ պատճառով էլ հավաքել ենք յոգայի ամենարդյունավետ դիրքերը, որոնք ոչ միայն կբարելավեն Ձեր կրծքերի տեսքը և թոքերի տարողունակությունը, այլև ավելի ուժեղ և առողջ կդարձնեն Ձեզ։

Մարտիկի դիրք

Վիրաբհադրասանան կամ մարտիկի դիրքը Ձեզ ավելի ուժեղ կդարձնի` միաժամանակ ընդլայնելով կրծքավանդակը և ավելի ճկուն ու ակտիվ դարձնելով այն։

1. Ոտքերը լայն բացած դրեք` իրար զուգահեռ։
2. Ձախ ոտքը 90 աստիճանով ձախ թեքեք, արտաշնչեք և ծալեք Ձախ ծունկը։
   Աջ ոտքը պետք է ուղիղ մնա։ Բարձրացրեք ձեռքերը վեր` ուսերի հարթությամբ և գլուխը թեքեք դեպի ձախ։
3. Կրկնեք սա 7-10 անգամ, իսկ հետո նույնը արեք աջ ոտքի համար։

Եռանկյան դիրք

Տրիկոնասանան կամ եռանկյան դիրքը կլայնացնի և կամրապնդի Ձեր կրծքավանդակը, կձգի մեջքը և կբարելավի արյան շրջանառությունը։

1. Ոտքերը լայն բացված դրեք հատակին։ Ձախ ոտքը պտտեք 90 աստիճանով, իսկ աջը` 15։
2. Ձախ ձեռքով դիպչեք ձախ կոճին (ժամանակի ընթացքում կկարողանաք դիպչել նաև հետակին)։ Աջ ձեռքը պարզեք դեպի վեր այնպես, որ ձեռքերը ուղիղ գիծ ստեղծեն։ Ծնկները և մեջքը ուղիղ պահեք։
3. Գլուխը թեքեք դեպի վեր և նայեք մատներին։ Նույնը կրկնեք նաև մյուս կողմով։

Կոբրայի դիրք

Բուջանգասանան կամ կոբրայի դիրքը կօգնեն մեծացնել թոքերի տարողունակությունը, ձգել կրծքավանդակի մկանները, ամրապնդել որովայնի մկանները և ուղղել կեցվածքը։

1. Պառկեք փորի վրա և խորը շունչ քաշեք։ Դանդաղ բարձրացրեք մարմնի վերին հատվածքը` միևնույն ժամանակ ստորին հատվածը թողնելով հատակին։
2. Բարձրացրեք Ձեր գլուխը և նայեք վերև։
3. Դանդաղ արտաշնչեք և վերադարձեք ելման դիրքին։ Փորձեք գնալով մեծացնել այս դիրքում անցկացված ժամանակը։

Աղեղի դիրք

Դհանուրասանան կամ աղեղի դիրքը կօգնի բոլոր նրանք, ովքեր մեջքի ցավեր ունեն։ Այն հիանալիորեն ուղղում է մեջքը և գեղեցկացնում է կուրծքը։

1. Պառկեք հատակին, արտաշնչեք և ընդունեք նկարում պատկերված դիրքը։
2. Հետո ևս մեկ անգամ արտաշնչեք և փորձեք հնարավորինս բարձրացնել ոտքերը և ձեռքերը։ Դուք պետք է հավասարակշռություն պահեք փորի վրա։
3. Փորձեք այս դիրքում մնալ 30 վայրկյան շարունակ։

Անիվի դիրքը

Չակրասանան կամ անիվի դիրքը կօգնեն ձգել կրծքավանդակը, մեջքը, պարանոցը։

1. Պառկեք մեջքի վրա։ Ոտքերը դրեք ուսերից փոքր-ինչ ավել լայնությամբ։
2. Ձեռքերը դրեք գլխի մոտ` մատներով դեպի ուսերը։  Հետո բարձրացրեք կոնքերը հատակից այնքան բարձր, որքան կարող եք։
3. Փորձեք ամբողջովին ուղղել ձեռքերը. այս դիրքում մնացեք 30 վայրկյան։

Ձեռքերով հովանավորված կեցվածք

Սալամբա Սիրսասանան կամ ձեռքերով հովանավորված կեցվածքը զարգացնում է մեջքի և կրծքավանդակի մկանները։ Այն բարելավում է շնչառությունը և արյան շրջանառությունը, սակայն նախատեսված է փորձառուների համար։

Ուղտի դիրք

Ուստրասանան կամ ուղտի դիրքը չափազանց արդյունավետ է մեջքի ցավի դեմ պայքարում։ Այն նաև ավելացնում է թոքերի ծավալը և ամրապնդում է կրծքավանդակը։

1. Կանգնեք ծնկների վրա և ոտքերը միացրեք իրար։
2. Դանդաղորեն թեքվեք դեպի ետ և ձեռքերը դրեք Ձեր կրունկներին։ Հետո կորացրեք մարմինը։
3. Այսպես մնացեք 30 վայրկյան և վերադարձեք ելման դիրքին։