Խանութների հաճախորդները նման են «Թրումանի շոուն» ֆիլմի հերոսին: Ամեն օր նրանց հետևում է մարքեթոլոգների հսկայական բանակ և ուսումնասիրում է գնորդների պահվածքը՝ ավելի խորամանկ եղանակներ մտածելու համար:
Blognews.am-ը ներկայացնում է 10 թակարդ, որոնք լարում են մեր դեմ վաճառողները:
Արտաքին տեսք
Մթերքների թարմությունն ընդգծելու և դրանք ավելի ախորժալի ու լավը ցույց տալու համար սննդային լուսանկարիչները ջրային կաթիլներ են ավելացնում դրանց վրա: Այս եղանակն օգտագործում են նաև կանաչեղենի և բանջարեղենի խանութներում: Այս ամենին նայելով՝ մենք գայթակղվում ենք և չպլանավորված գնումներ կատարում:
Հակագովազդային կարգախոսներ
«Ներեցեք, բայց մենք չենք կարող սա Ձեզ վաճառել», - այսպես է ասում Volkswagen-ը: Բայց արդյո՞ք սա մեկին կանգնեցրել է: Ընդհակառակը, ավելի շատ ուշադրություն, ավելի շատ վաճառք:
Գնի բարձրացում
Այս թակարդն ընկնում են գրեթե բոլոր գնորդները: Այն այսպես է աշխատում: Օրինակ՝ սկզբում ցուցադրվում են առավել բարձր գներով ապրանքները, այնուհետև՝ ավելի ցածր գներովը: Գների բարձրացումը շատ է գործածվում ռեստորաններում: Նույն հանքային ջուրը ռեստորանում, խանութում և ճաշարաններում բոլորովին տարբեր գներով է վաճառվում: Եվ հաճախորդները ռեստորանի ապրանքին ավելի շատ են վստահում, քանի որ դրա գինը 2-3 անգամ ավելի բարձր է: Այն կարծես որակի ցուցանիշ է:
Այստեղ վաճառողները ամսավճարային պայմաններով նույն գինն են առաջարկում տարբեր մեքենաների համար: Եվ եթե այլևս չկա գնային ոչ մի տարբերություն, ապա ինչի՞ համար գնել վատ մեքենան:
Գնային խայծ
Թանկ է, նայած թե ինչի հետ համեմատես: Ապրանք-խայծը գնորդներին օգնում է արագորեն կողմնորոշվել, իսկ վաճառողներին՝ բարեհաջող առևտուր անել:
Կեղծ զեղչեր
Խանութներում հաճախ են գծեր քաշվում գների վրա, և դրանց կողքին գրվում է տվյալ ապրանքի նոր գինը: Այդպիսի զեղչումը կարող է աշխատել անգամ այն դեպքում, երբ ոչ մի զեղչ է իրականում չի կատարվել: «Հին գինը» բարձրացնում են 20%-ով միայն նրա համար, որ ցույց տան, թե առաջ գինն ավելի բարձր է եղել: Ո՞վ է հիշում, թե ինչ գին ուներ ապրանքն առաջ:
Չափսերի նվազեցնում
Սա խոշոր բրենդների և սուպերմարկետների սիրելի եղանակն է: Նրանք կարողանում են կայուն եկամուտ ունենալ՝ առանց գների նվազեցման:
Գրյուենի էֆեկտ
Ճարտարապետ Վիկտոր Գրյուենը նախագծել է աշխարհում առաջին փակ առևտրի կենտրոնը: Դրանից առաջ վերջիններս իրենցից ներկայացնում էին միհարկանի առանձին կառույցներ՝ իրար միացված սանդուղքներով: Ճարտարապետն այս ամենը մի տանիքի տակ հավաքելով՝ ստեղծեց սուպերմարկետ-լաբիրինթոս: Ստացվեց իդեալական, ապահով մի աշխարհ, որտեղ միշտ տաք է, լուսավոր, հարմարավետ, չկան ժամացույցներ և պատուհաններ: Սուպերմարկետներում գնորդները մոռանում են, թե կոնկրետ ինչի համար են ոտք դրել այդտեղ և կորցնում են խելամիտ որոշումներ կայացնելու ընդունակությունը: Եվ որպես արդյունք՝ ավելի շատ գնումներ են կատարում՝ պլանավորածից շատ ավեի շատ գումար ծախսելով:
Մեծ սայլակ
Գնորդը ծախսում է 40%-ով ավելի գումար, եթե մեծ սայլակ է վերցնում՝ բացառությամբ այն դեպքերի, երբ նա մեծ ընտանիքի կամ մի ամբողջ շաբաթվա համար է գնումներ կատարում: Առաջին անհրաժեշտության մթերքները՝ հացը, կաթը, գտնվում են սուպերմարկետների ամենահետին հատվածներում, երբեմն նաև տարբեր անկյուններում: Այսպես գնորդները շեղվում են և ոչ անհրաժեշտ գնումներ կատարում: Շատ սուպերմարկետների երթուղին ժամացույցի սլաքի հակառակ է, որը նույնպես հանգեցնում է չպլանավորված գնումների:
Անտրոպոմորֆիզմ
Սա այն երևույթն է, որի ընթացքում մթերքները օժտվում են «մարդկային ունակություններով և հատկանիշներով», օրինակ, երբ խոսում ենք տեխնիկայի հետ, երբ վերջինս չի աշխատում, մեքենաներին անուններ ենք տալիս, կենդանիների հետ խոսում ենք այնպես, ինչպես կխոսեինք մարդկանց հետ: Մուլտֆիլմեր «Ավտոմեքենաները», «Մինիոնները», այս բոլորը անտրոպոմորֆիզմի հրաշալի օրինակներ են: Եթե ապրանքանիշն իր արտադրանքի վրա կենդանիների խորհրդանիշներ է ունենում, գնորդները համակրվում են: Անտրոպոմորֆիզմը բարձրացնում է արտադրանքի հանդեպ վստահությունը, հետևաբար ավելացնում է նաև վաճառքը:
Ապրանքների խորամանկ դասավորություն
Վերին դարակներում դրվում են ավելի քիչ հայտնի ապրանքանիշների արտադրանքներ, մեջտեղիններում՝ «ոսկե դարակներում», խոշոր բրենդերի արտադրանքները, իսկ ամենաներքևում՝ անհայտ ընկերություններինը: «Ոսկե դարակների» վարձավճարը, միանշանակ, ավելի բարձր է, և պարզ է, որ այդ վարձավճարը տրվում է մեր՝ այդ ապրանքներին տված գումարից: Թակարդը չընկնելու համար հետևեք այս պարզ կանոնին. մինչ մեջտեղի դարակից ապրանք ընտրելը համեմատեք վերին և ստորին դարակներում դրված ապրանքների գներն ու որակները:
