Թեհրանն ԱՄՆ նախագահ Դոնալդ Թրամփի՝ մուսուլմանական 7 երկրների քաղաքացիների մուտքն ԱՄՆ սահմանափակող հրամանագիրն անվանել է «մուսուլմանական աշխարհի բացահայտ վիրավորանք» և խոստացել է պատասխան միջոցներ ձեռնարկել: Այս մասին հայտնում է Reuters-ը՝ վկայակոչելով Իրանի ԱԳՆ-ի հաղորդագրությունը:
«Իրանը համապատասխան դիվանագիտական, իրավական և քաղաքական միջոցներ կձեռնարկի ի պատասխան Թրամփի արգելքի»,- ասվում է փաստաթղթում:
Թրամփի հրամանագրի համաձայն՝ այժմ ԱՄՆ չեն կարող մուտք գործել սիրիացի փախստականներ, ընդ որում նախապատվությունը կտրվի ապաստան փնտրող քրիստոնյաներին: Իր որոշումը Թրամփը բացատրել է, որ երկրին պետք չեն արմատական ահաբեկիչներ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել