Այս տուն-ծառ-մարդ թեստը կբացահայտի Ձեր բնավորության թաքնված գծերը

Տուն-ծառ-մարդ թեստը ստեղծված է պարզելու անհատի բնավորության հիմնական գծերը: Սա շատ է օգտագործվում աշխատանքի ընդունելու համար:

Նկարեք մի տուն, մի ծառ և մի մարդ: Այժմ եկեք տեսնենք, թե ինչ է Ձեր բնավորության մասին պատմում Ձեր պատկերածը:

Ի՞նչն է հարկավոր ուսումնասիրել պատկերում

• Նկարի չափսերը ներկայացնում են Ձեր ինքնորոշման և ինքնավստահության մակարդակը:

• Գծերի հաստությունը, դրանք նկարելիս գործածված ճնշումը ցույց են տալիս Ձեր կողմնորոշվածությունը և այն, թե ինչքան հեշտ կամ դժվար եք կյանքում կայացնում որոշումներ: Օրինակ, եթե մի գծի վրայով անցնում եք երկու անգամ, դա ցույց է տալիս անապահովություն, դժգոհություն և վերահսկողությունից դուրս գտնվող պերֆեկցիոնիզմ:

• Նկարի պարզությունն ու հստակությունը խոսում են ներդաշնակության և ճկունության մասին:

1. Տան պատկերը

Տունը ներկայացնում է ընտանեկան հարաբերությունները, այն, թե ինչպես եք Դուք տեսնում և ընկալում տուն և ընտանեկան կյանք ասվածները:

• Տանիք. խորհրդանշում է  երևակայություններով լի, ինտելեկտուալ և հոգով լի կյանք:

• Ծխնելույզ. հուզական կյանք: Դուրս եկող ծուխը խորհրդանշում է ներքին լարվածություն:

• Պատեր. անհատականության ամրությունն ու վճռականությունը:

• Դուռ և պատուհաններ. հարաբերությունները շրջակա աշխարհի հետ, սոցիալական կարգավիճակը: Օրինակ՝ շատ մեծ դուռը նշանակում է, որ Դուք կախյալ եք շրջապատից:

• Հատակ. հաստատակամություն և իրականության հետ կապ:

2. Ծառի պատկերը

Ծառը խորհրդանշում է անհատականության ամենախորը և անգամ չբացահայտված ասպեկտները:

• Սաղարթ. մտքեր, գաղափարներ, ինքնակառավարում: Օրինակ՝ սաղարթի խտությունն ուղղակիորեն կապված է մտավոր հարստության հետ:

• Ճյուղեր. հասարակական կապեր, ձգտումներ, բավարարվածություն կամ վրդովմունք:

• Բուն. խորհրդանշում է Ձեր ինքնորոշումը: Եթե այն կորացած է, ապա Դուք ևս ճկուն եք և հեշտ եք հարմարվում:

• Արմատներ. կապված է Ձեր ենթագիտակցության վիճակի և կողմնորոշման մակարդակի հետ:

• Հատակ. կապված է իրականության և հաստատակամության հետ: Դրա բացակայությունը խոսում է այն մասին, որ չեք կարողանոմ համակերպվել իրականության հետ:

3. Մարդու պատկերը

Մարդը ցույց է տալիս Ձեր վերաբերմունքն այս աշխարհին, թե ինչպես են Ձեր սոցիալական կյանքն ու ներքին աշխարհը գոյակցում միասին:

• Գլուխ. խելք, հաղորդակցություն, երևակայություն, մարդամոտություն: Օրինակ՝ եթե գլուխն ավելի մեծ է, քան մարմինը, դա նշանակում է, որ ունեք ինտելեկտուալ հրաշալի կարողություններ:

• Մազեր. սեքսուալություն, հասունություն և ցանկասիրություն:

• Աչքեր. սոցիալական հարաբերություններ և աշխարհընկալում:

• Բերան. ցանկասիրություն, գրավչություն և բանավոր հաղորդակցություն: Եթե բերանը նկարել եք ուղիղ գծի տեսքով, ապա էությամբ ագրեսիվ եք:

• Ձեռքեր. ագրեսիվություն, արդյունավետություն:

• Ոտքեր. հարմարվողականություն և ինտեգրում տարբեր միջավայրերում:

•  Ոտնաթաթեր. գրավչություն և ագրեսիվություն: