Aysor.am-ը գրում է.Մյանմայում գրոհայինների խումբը պատանդ է վերցրել Թայլանդից 40 զբոսաշրջիկի, հայտնել է Nation TV հեռուստաալիքը՝ հղում անելով ոստիկանությանը, փոխանցում է ТАСС-ը:
Նրա տվյալով՝ զբոսաշրջիկները Թայլանդին հյուսիս-արևմուտքում սահմանակցող Մյանմայի Կարեն նահանգի տարածքում են: Հաղորդվում է նաև, որ մի քանի զբոսաշրջիկ ազատ է արձակվել գրոհայինների հետ բանակցություններից հետո:
Nation TV-ի տվյալով՝ զբոսաշրջիկներին պատանդ է վերցրել Կարենների ժողովուրդների խմբի ներկայացուցիչներից բաղկացած գրոհայինների էթնիկ խումբը: Նրանք Թայլանդի իշխանություններից պահանջում են ազատել իրենց անդամներից մեկին, որին թագավորության իրավապահները նախկինում ձերբակալել էին փախստականների մաքսանենգության մեղադրանքով:
Նյութի աղբյուր՝ http://www.aysor.am/am/news/2017/01/21/%D4%B6%D4%BC%D5%84-%D5%84%D5%B5%D5%A1%D5%B6%D5%B4%D5%A1/1199076
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել