Image may contain: sky and outdoor2016թ.-ի նոյեմբերի 30-ին Yandex ընկերությունը գործարկեց Երեւանի առցանց քարտեզը։ Ֆեյսբուքի մի քանի օգտատերեր իրենց մտահոգությունը հայտնեցին այն մասին, որ գործարկված առցանց քարտեզի լուսանկարներում պատկերված են մարդկանց դեմքերը եւ ավտոմեքենաների պետհամարանիշերը, ինչը կարող է խախտել մարդկանց անձնական կյանքի գաղտնիությունը:
ՀՀ ԱՆ Անձնական տվյալների պաշտպանության գործակալությունը ուսումնասիրելով բարձրացրած հարցը, ինչպես նաև նկատի ունենալով քարտեզների հետ կապված տարբեր կազմակերպությունների որդեգրած քաղաքականությունն ու այդ ոլորտում եղած լավագույն միջազգային փորձը, միաժամանակ առաջնորդվելով ՀՀ Սահմանադրությամբ և Անձնական տվյալների պաշտպանության մասին ՀՀ օրենքով՝ դեկտեմբերի 21-ին դիմեց Yandex-ին։
Գործակալությունը գրությամբ նշեց, որ մարդկանց դեմքերը, ինչպես նաև ավտոմեքենաների պետհամարանիշերը լուսանկարներում չփակելը խնդրահարույց է Անձնական տվյալների պաշտպանության մասին ՀՀ օրենքի համատեքստում:
Երկու օրվա ընթացքում Yandex ընկերությունն ամբողջովին վերափոխեց առցանց քարտեզը՝ փակելով կամ ապանձնավորելով Երևան քաղաքի պանորամային լուսանկարներում պատկերված մարդկանց դեմքերն ու մեքենաների պետահամարանիշերը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել