Aysor.am-ը գրում է.
Դեկտեմբերի 28-ին՝ ժամը 20:00-ի դրությամբ, Ստեփանծմինդա - Լարս ավտոճանապարհը բաց է տրանսպորտային բոլոր միջոցների համար` անվաշղթաների կիրառման դեպքում, տեղեկացնում են Տրանսպորտի, կապի և տեղեկատվական տեխնոլոգիաների լրատվական ծառայությունից:
Սաստիկ բքի և անբավարար տեսանելիության պատճառով շարունակում է փակ մնալ Բերդ - Ճամբարակ ճանապարհը:
Երևան - Երասխ - Գորիս - Մեղրի – Իրանի սահման (Մ2) ավտոճանապարհի Գորիս - Սիսիան ճանապարհահատվածում բուք է:
Մարալիկ - Լանջիկ հատվածում խիտ մառախուղ է, տեսանելիությունը` 20-30 մ: Թալինի, Հրազդանի տարածաշրջանների և Կոտայքի մարզի ավտոճանապարհներին ևս մառախուղ է, տեսանելիությունը ՝ 50-80 մ:
Գորիս - Սիսիան ճանապարհահատվածում, Սարավանի և Վարդենյաց լեռնանցքներում տեղ - տեղ մերկասառույց է:Նշված ճանապարհներին կատարվում են մաքրման և աղով, ավազով մշակման աշխատանքներ: ՀՀ միջպետական և հանրապետական նշանակության մյուս ավտոճանապարհները բաց են:
