Aysor.am-ը գրում է.Իսրայելի և Պակիստանի պաշտոնատար անձինք համացանցում վիճաբանություն են սկսել, այսպես կոչված, ֆեյք լուրերի պատճառով, փոխանցում է «Интерфакс»-ը՝ հղում անելով The Guardian-ին:
Չնայած առիթը մտացածին լուրն է, Պակիստանի պաշտպանության նախարար Խավաջա Մուհամմեդ Ասիֆը խիստ տոնով Իսրայելին հիշեցրել է, որ իր երկիրը միջուկային զենք ունի:
«Իսրայելի պաշտպանության նախարարը սպառնում է միջուկային հատուցմամբ՝ կապված Սիրիայում ԻՊ-ի (Ռուսաստանում և մի շարք այլ երկրներում արգելված) դեմ պայքարում Պակիստանի ենթադրյալ դերակատարման հետ: Իսրայելը մոռանում է, որ Պակիստանը ևս միջուկային զենք ունի», - գրել է նա:
Նման խիստ պատասխան է հարուցել դեկտեմբերի 20-ին AWD News կայքում հրապարակված հորինովի հոդվածը՝ «Իսրայելի պաշտպանության նախարար. Եթե Պակիստանը ցանկացած պատրվակով զորք ուղարկի Սիրիա, այդ երկիրը կոչնչացնենք միջուկային հարվածով» վերնագրով:
Նյութի աղբյուր՝ http://www.aysor.am/am/news/2016/12/26/%D5%8A%D5%A1%D5%AF%D5%AB%D5%BD%D5%BF%D5%A1%D5%B6-%D4%BB%D5%BD%D6%80%D5%A1%D5%B5%D5%A5%D5%AC/1190452
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել