Panorama.am-ը գրում է.Իրանի հետ սահմանամերձ Մեղրի և Ագարակ քաղաքներում այսօր տեղի է ունեցել գազի բաշխման ցանցի պաշտոնական բացումը։ Իրանի նախագահ Հասան Ռոհանիի Հայաստան կատարած այցի օրը վառվեց խորհրդանշական կրակը և տրվեց գազամատակարարման մեկնարկը։ Հայտնում են էներգետիկ ենթակառուցվածքների ու բնական պաշարների նախարարությունից:
Մեղրի և Ագարակ քաղաքների գազի բաշխման ցանցի կառուցման ծրագիրը հնարավոր եղավ իրականացնել Իրանի Իսլամական Հանրապետության անմիջական օժանդակության շնորհիվ։ Այդ նպատակով Իրանի կառավարությունը տրամադրեց 2 մլն դոլար դրամաշնորհ։ Իր հերթին Հայաստանի կառավարությունը ստանձնել է տրամադրվող միջոցների հաշվին ապրանքների մատակարարման և ծառայությունների մատուցման գործարքներից գանձվող հարկերի, մաքսատուրքերի և այլ պարտադիր վճարների հետ կապված ծախսերը:
Մեղրի և Ագարակ քաղաքների գազի բաշխման ցանցի կառուցման աշխատանքներն իրականացրել է իրանական «Սաներջի» ընկերությունը։
Ամբողջ հոդվածը կարող եք կարդալ այստեղ:
Նյութի աղբյուր՝ http://www.panorama.am/am/news/2016/12/21/%D4%BB%D6%80%D5%A1%D5%B6-%D5%80%D5%A1%D5%B5%D5%A1%D5%BD%D5%BF%D5%A1%D5%B6-%D5%A3%D5%A1%D5%A6/1698801
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
