168.am-ը գրում է.
Հիմա Էնդին առաջինն է ոչ միայն АТР վարկանիշում:
Ըստ The Telegraph-ի վարկածի, աշխարհի առաջին ռակետ Էնդի Մարեյը ճանաչվել է Մեծ Բրիտանիայի պատմության մեծագույն մարզիկ: Հարցմանը մասնակցել է մոտ 7 հազար մարդ:
«Ինձ համար մեծ պատիվ է այդ մրցանակը ստանալը: Շատ հաճելի է նայել անուններին, որոնք ներկայացված են ցուցակում և գիտակցել, թե ինչքան հաջողակ է բրիտանական սպորտը ոչ միայն այս պահին, այլ նաև նախորդ հարյուրամյակին և նույնիսկ ավելի շուտ: Այս երկիրը ներկայացնելը իսկական հպարտություն է»,- խոստովանել է Մարեյը:
Մարեյի հետ մրցակցում էին Ռայան Գիգսը (ֆուտբոլ), Մայքլ Վոգանը (քրիքեթ), Տանի Գրեյ-Թոմփսոնը (պարալիմպիկ վազք), Ջեյմս Կրեկնելը (թիավարություն) և ուրիշներ:
Մարեյը Մեծ Սաղավարտի մրցաշարերի եռակի չեմպիոն է, Օլիմպիական կրկնակի չեմպիոն:
Նոյեմբերին Էնդին դարձավ Աշխարհի առաջին ռակետ:
Պատրաստեց Անի Գաբուզյանը