Հայտնի իտալացի երգիչ Ալ Բանոն վիրահատվել է սրտամկանի երկու կաթվածից հետո։ Այս մասին հայտնում է Oggi շաբաթաթերթի կայքը։
Հաղորդվում է, որ կատարողն իրեն վատ է զգացել ուրբաթ երեկոյան՝ Հռոմում ամանորյա համերգի փորձի ժամանակ։ Առաջին կաթվածին անմիջապես հաջորդել է երկրորդը։ Ալ Բանոն անմիջապես տեղափոխվել է հիվանդանոց, որտեղ գիշերը վիրահատվել է։
«Ինձ վիրահատել են երեք ժամ, և ես լսել եմ ամենը, ինչ տեղի էր ունենում վիրահատարանում, մտքովս անցավ կատակել, սակայն հետո մտածեցի, որ ավելի լավ է բժիշկներին չշեղել»,-ասել է երգիչը։
Երգիչը հայտնել է, որ իրեն լավ է զգում։ «Եթե ամեն բան լավ ընթանա, մի քանի օրից ինձ դուրս կգրեն»,-ասել է երգիչը՝ հավելելով, որ շատ անելիքներ ունի։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել