Aysor.am-ը գրում է.
Երկու գնացք է երկուշաբթի բախվել Հունգարիայի մայրաքաղաքի մետրոյի M-2 «կարմիր» ճյուղում, ինչի հետևանքով տուժել է տասը մարդ: Ինչպես հայտնում է ТАСС-ն, այդ մասին հայտնել են Բուդապեշտի արտակարգ իրավիճակների վարչությունում:
Գնացքներից մեկը հասել է թունելում առջևից ընթացող շարժակազմին և հարվածել դրա վերջին վագոնին: Ինը մարդ հոսպիտալացվել է, նրանց կյանքին վտանգ չի սպառնում, նշում է ՄՏԻ գործակալությունը:
Տուժածներից մեկին բուժօգնություն են ցուցաբերել տեղում: Հատուկ ծառայությունները պարզում են՝ ինչն է դարձել միջադեպի պատճառը: Մետրոյի «կարմիր» ճյուղում գնացքների երթևեկությունը դադարեցված է: Մետրոյի ուղևորների համար կազմակերպվել է լրացուցիչ ավտոբուսային երթուղի:
Նյութի աղբյուր՝ http://www.aysor.am/am/news/2016/12/05/%D5%A3%D5%B6%D5%A1%D6%81%D6%84%D5%B6%D5%A5%D6%80%D5%AB-%D5%A2%D5%A1%D5%AD%D5%B8%D6%82%D5%B4/1179396
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
