Related imageՄասնագիտական «կապիտալ»՝ հայկական ՓՄՁ-ներին

Տնտեսության զարգացման նպաստող գործընթացներից մեկը այդ զարգացումը ձևավորող սուբյեկտների գործունեության համար հնարավորինս նպաստավոր պայմանների ստեղծումն է: Հայաստանում տնտեսական գործունեություն իրականացվող ՓՄՁ-ների թիվը բավականին մեծ է, և վերջին տարիներին առկա է դրանց թվի ավելացման դրական միտում:

Այդ ամենի մեջ իր ուրույն ազդեցությունը ունի միջազգային համագործակցությունը, որի շնորհիվ հնարավոր է լինում ստանալ թե՛ ֆինանսական և թե՛ մասնագիտական «կապիտալ»:

Սլովակիայի մայրաքաղաք Բրատիսլավայում վերջերս կայացել էր Ձեռնարկությունների եվրոպական ցանցի 2016 թվականի տարեկան համաժողովը, որին մասնակցել էին նաև Հայաստանի ներկայացուցիչները: Համաժողովին մասնակցել են ավելի քան 60 երկրներից ժամանած բիզնեսի աջակցությամբ զբաղվող կազմակերպություններ:

Հավաքի արդյունավետության մասին փաստում է այն, որ Բելառուսի, Հայաստանի և Ռուսաստանի ներկայացուցիչների միջև ստորագրվել է գործակցության համաձայնագիր: Արդյունքում ստեղծվելու է ընդհանուր տեխնոլոգիական և տեղեկատվական տիրույթ, որը ապահովելու է ՓՄՁ ոլորտի աջակցության համակարգի արդյունավետ գործունեությունը:

Համագործակցության շրջանակներում նաև կտրամադրվեն խորհրդատվություններ ՓՄՁ-ներին և ոլորտի աջակցող կազմակերպություններին: Սպասվում են ցուցահանդեսներ, կոնֆերանսներ, մրցույթներ և քննարկումներ, որոնք կնպաստեն ՓՄՁ-ների գործունեության բարելավմանը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել