Երեկ լրագրողների հետ զրույցում Ռուսաստանում հայերի միության նախագահ Արա Աբրահամյանը, պատասխանելով այն հարցին, թե ինչու է ՌԴ ԱԳՆ ներկայացուցիչը հայտարարում, որ նախկին ԽՍՀՄ պետություններում ռուսերենը պետք է դառնա պետական երկրորդ լեզու, հայտարարեց.
«Ես կերազեի ռուսերեն լավ իմանալ, բայց չկարողացա, ցավոք: Մարդիկ ուսուցիչ են վարձում, որ սովորեն, ես ամուսնացա ռուս աղջկա հետ, որ սովորեմ, բայց չկարողացա...»:
Նա ասաց, որ չգիտի, թե ով ինչ է հայտարարել, բայց դրական է գնահատում շատ լեզուների իմացությունը:
Արդեն երկու օր է՝ ֆեյսբուքցիները քննարկում են Արա Աբրահամյանի այս հայտարարությունն ու դրա շուրջ հումորային մեկնաբանություններ անում:
BlogNews-ը առանձնացրել է այդ մեկնաբանություններից ու գրառումներից առավել ուշագրավները՝
Առաքել Սեմիրջյան
- Ես ամուսնացա երրորդմասցու հետ, որպեսզի բլոթ խաղալ սովորեմ:
- Վախենալուն էն ա, որ եթե դևը իմացավ ամուսնանալով փեշակներ են սովորում, հիմա ում բռնեց ո՛չ ուտելու ա, ո՛չ էլ բաց թողնի...
- Հարցը էն չի, թե ինչ սովորելու համար ա Արա Աբրահամյանը ամուսնացել ռուս կնոջ հետ, հարցն էն ա, թե ինչ սովորելու համար ա Արա Աբրահամյանի կինը ամուսնացել նրա հետ...
Փիլիսոփայական դիլեմա:
- Ես ամուսնացա կանադացու հետ, որպեսզի հոկեյի կլյուչկով խփել սովորեմ...
- Ես ամուսնացա աֆրիկացու հետ, որպեսզի ընձուղտ որսալ սովորեմ ...
- Ես ամուսնացա ուզբեկի հետ, որպեսզի ուզբեկական փլավ պատրաստել սովորեմ...
Արթուր Ավանեսով
- Ես ամուսնացա հոկտեմբերյանցու հետ. մե խինդ, մե ծիծաղ, մե ուրախութուն ))
- Ինձ մեկ-մեկ թվումա՝ google translate-ում հայերենից ռուսերեն թարգմանություններ Արա Աբրահամյաննա անում
Նարեկ Ադամյան
- Ես ամուսնացա ղարաբաղցու հետ ու արդեն հանցա լյուզվիսում տամ
Կարպիս Փաշոյան
- Ես ամուսնացա ռուսի հետ, որ տարին մեկ անգամ աչքերս բացելու նպատակով չգնամ հասնեմ Ռուսաստան, բայց չստացվեց:
Լևոն Զաքարյան
- Ես ամուսնացա ռուսի հետ, հալալա իրան, հայերեն սովորեց:
Անի Հակոբջանյան
- Ես ամուսնացա Թումանյանի հետ, որ շաուրմայանոցը ինձ մնա :ճճճ
Արման Գևորգյան
- Ամուսնացա ռուս աղջկա հետ, հետո հիշեցի, որ ես ախր հայերեն էլ չգիտեմ:
