168.am-ը գրում է.

Ադրբեջանի ԱԳՆ ղեկավար Էլմար Մամեդյարովն ընդունել է Ադրբեջան ժամանած ԱՄՆ պետքարտուղարի Եվրոպայի և Եվրասիայի հարցերով փոխտեղակալ Բրիջիթ Բրինքի գլխավորած պատվիրակությանը, հայտնում է APA գործակալությունը։

Ինչպես հայտնել են Ադրբեջանի ԱԳՆ մամուլի ծառայությունից, հանդիպմանը կողմերը գոհունակություն են հայտնել ԱՄՆ-ի և Ադրբեջանի միջև էկոնոմիկայի, էներգետիկայի, ահաբեկչության դեմ պայքարի ոլորտներում համագործակցության մակարդակի վերաբերյալ։

Նշվում է, որ Մամեդյարովը Բրիջիթ Բրինքին է ներկայացրել Լեռնային Ղարաբաղի հակամարտության մասին տեղեկություններ։ Մամեդյարովը դարձյալ խոսել է ստատուս-քվոյի անընդունելիության մասին, նշել, որ ԱՄՆ-ը ԵԱՀԿ Մինսկի խմբի մյուս համանախագահների հետ պետք է ակտիվացնի ջանքերը ԼՂ հակամարտության կարգավորման ուղղությամբ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել