Armsport.am-ը գրում է.
Եվրոպա լիգայի խմբային փուլի չորրորդ տուրի` «Ֆեներբահչեի» հետ խաղում տեղի է ունեցել անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանի վերադարձը դաշտ:
27-ամյա ֆուտբոլիստը փոխարինման է մտել 61-րդ րոպեին: «Կարմիր սատանաների» երկրպագուները գոհ են մնացել Մխիթարյանի գործողություններից:
@StatmanDave
«Մխիթարյանը երկու անգամ շրջանցել է մրցակցին, երկու արագացում ու 36 փոխանցում կատարել, հաղթել մենապայքարերի 67 տոկոսում: Կարգին ցուցանիշ է»:
@CoreyDinneen_26
«Մեկ փոխանցումից բացի Մխիթարյանը փայլում էր: Առաջ էր շարժվում ու փորձում պահեր ստեղծել: Նա պետք է մասնակցի հաջորդ խաղին»:
@arun92nair
«Մխիթարյանն այլ մակարդակի է, ամոթ իր թիմակիցներին, որոնք չէին աջակցում նրան»:
@jasont0298
«Հենրիխ Մխիթարյանը հիանալի խաղաց: Այո, նա մի քանի անգամ բաց թողեց գնդակը, սակայն նա դեռ պետք է վերգտնի իր խաղը երկու ամսվա բացակայությունից հետո»:
