''На поле он '' ` այսպես էին  ռուսները մասերի բաժանում հզոր առաջնորդ Նապոլեոն Բոնապարտի անունը:
Մարդ, որի նմանին աշխարհն էլ երբեք չի  ունենա: Կլինեն Նապոլեոնին որոշ չափով  նման առաջնորդներ, կլինեն նրանից  թույլ, միգուցե նունիսկ  հենց նրանից հազար անգամ ուժեղ, բայց երկրորդ Նապոլեոն աշխարհն էլ չի ծնի:
Ինձ համար Նապոլեոնը համարվում է ուժի խորհրդանիշ: ՛՛Ուժ՛՛ ասվածի մեջ ունեմ իմ եռյակը՝  Նապոլեոն,Հիտլեր, Նժդեհ: Մեկը մեկից տարբեր են,բայց երեքն էլ առաջնորդ են:Այս եռյակի մասին արդեն խոսել եմ նախորդ գրառումներիս մեջ ու ծավալվելն անիմաստ եմ համարում: Այսօր կենտրոնանում ենք միայն մեկի վրա:
Նրա արարքներն,ինչ խոսք, հակասական են:  Ոչ մի դեպքում չի կարելի նրան արդարացնել: Այն մարդն,ով ուրիշի կյանքեր է խլել, չի կարող լինել արդարացված, պատերազմը չունի արդարացում: Սակայն այսօր չենք քննարկելու նրա  ռազմավարության ճիշտ ու սխալ կողմերը: Ես ուզում եմ ձեզ ներկայացնել նրան ուրիշ լույսի տակ: Փորձեք նայել նրան այլ կողմից:
Այսօր ձեզ եմ ներկայացնում Նապոլեոնի  հետ կապված հետաքրքիր տեղեկություններ:
Փորձեք  բացահայտել այս սխալական ու հազարավոր մարդկանց  արյուն խմած մարդու անհաղթ,առաջնորդ ոգին:



  • Նապոլեոնը շատ էր սիրում իտալական օպերաներ: Հատկապես  սիրում էր ՛՛Ռոմեո և Ջուլիետ՛՛-ը : Սակայն նա թատրոնում երբեք չէր ծափահարում: Հանդիսատեսը,  սարսափելով Նապոլեոնից,  նույնպես չէր համարձակվում ծափահարել ու  օպերայի ավարտից հետո օդում միշտ լռություն էր կախվում: Մի անգամ,երբ  երգիչ Կրեմենտինին երգեց ՛՛Ombra odorata aspeta՛՛   արիան  հրաշալի կերպով,   դահլիճում նստած իտալական թագավորության գրաֆ Մորեսկալկին չդիմացավ ու  գոչեց.՛՛ Բրավո,բրավո !! " : Մի պահ անց  նա հասկացավ իր  ՛՛սխալն՛՛ ու չորեքթաթ դուրս սողոսկեց դահլիճից:
  • Նապոլեոնը տառապում էր հիվանդությամբ,որը կրում է ՛՛այլուրուֆոբիա՛՛  անվանումը, որն իրենից ներկայացնում է վախ կատուներից:
  • Նապոլեոնին չեն թունավորել,  տարիներ շարունակ ինչ- ինչ կերպ   նրա օրգանիզմ մկնդեղ են լցրել: Հավանական է՝ ուտելիք ընդունելու ժամերին խառնել են կերակրի հետ:
  • Նապոլեոնն օրական քնում էր երկուսից երեք ժամ: Դա նրան բավական էր: Ու ընդհանրապես, Նապոլեոնը քունը համարում էր ժամանակի կորուստ:
  • Կա վարկած,ըստ որի Նապոլեոնի հոգին  հետագայում Հիտլերի մարմնում է ՛՛բնակվել՛՛ : Պատճառը՝ չափից դուրս շատ համընկնումները:
  • Նապոլեոնի ու Հիտլերի  ՛՛թվային՛՛ անհասկանալի նմանությունը: Նապոլեոնը ծնվել է 1760թվականին  Հիտլերը ՝1889-ին: Տարբերությունը՝ 129 տարի: Նապոլեոնի կառավարման տարիները սկսվեցին 1804ին, Հիտլերինը` 1933-ին, տարբերությունը՝ 129  տարի: Նապոլեոնը մտավ Վենա 1812-ին, Հիտլերը՝ 1941-ին: Տարբերությունը ՝ 129  տարի:Երկուսն էլ հարձակվել են Ռուսաստանի վրա,երբ 52 տարեկան էին: Երկուսն էլ  պատերազմում պարտություն կրեցին,երբ 56 տարեկան էին:
  • Նապոլեոնն ամուսնացել է ՛՛28 ամյա՛՛ Ժոզեֆինայի հետ,որն իրականում մեծ էր իրենից 4 տարով: Ինքն էլ իր հերթին  սեփական տարիքի վրա ավելացրել է ևս 2 տարի,որպեսզի տարիքային տարբերության ՛՛անդունդը՛՛ չզգացվի:
  • Նապոլեոնն ունեցել է 157մ հասակ, փոքրիկ ձեռքեր ու տղամարդու կազմվածքին ոչ համապատասխան քիչ ավելի կլորիկ ու փափուկ  կուրծք:
  • Փոքր տարիքում Նապոլեոնը շատ էր սիրում խաղալ աղջիկների հետ:
  • Նապոլեոնը շատ էր ստում : Այս բնավորության գիծը ևս ՛՛ վաստակել՛՛ էր մանկուց:
  •  Նապոլեոնը   փոքր ժամանակ մոր փեշին կպած է եղել, ունեցել է բավականին թույլ բնավորությամբ հայր: Մոր կողմից չափից դուրս ուշադրությունն ու հոր թույլ բնավորությունը  պատճառ են հանդիսացել նրա՝ բավականին ուշ հասունանալու  ու  սեփական անձ կերտելու համար:
  • Նապոլեոնը չափից դուրս ինքնավստահ էր,չափազանց ինքնասիրահարված,եսապաշտ:
  • Նապոլեոնը դպրոցում բավականին վատ  է սովորել: Ու ընդհանրապես,  նա երբեք իր անհատականությամբ չի փայլել: 
  • Նրան շատ են  վիրավորել դասընկերները,  ուսուցիչները, նրան չեն սիրել  (Սա էլ համարում եմ նրա՝ հզոր առաջնորդ դառնալու   պատճառներից մեկը. կամա թե ակամա ապացուցել աշխարհին սեփական ՛՛ես՛՛-ի գոյության մասին: )
  • ''Նապոլեոն՛՛ խմորեղենը կապ ունի Նապոլեոն Բոնապարտի հետ:

Կարելի է ժամերով խոսել, պատմել: Ինֆորմացիան բավականին շատ է ու ծավալուն: Այսքանն այսօրվա համար բավական է: Հուսամ՝ հետաքրքիր էր:

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել