Հարգելի՛ լրագրողներ և համաքաղաքացիներ, հաշվի առնելով հանրային հետաքրքրությունը Երևանի Հանրապետության փողոցի թիվ 65 շենքի Բ մասնաճյուղում (նախկին առաջին տպարան) պայթեցման աշխատանքների վերաբերյալ՝ թույլ տվեք նաև այս հարթակում տեղեկացնել ձեզ հետևյալը.
ՀՀ արտակարգ իրավիճակների նախարարությունը ընկերություններին տրամադրում է լիցենզիա առ այն, որ տվյալ ընկերությունն առհասարակ իրավունք ունի իրականացնել պայթեցման աշխատանքներ, բայց ՀՀ ԱԻՆ-ը չի կայացնում որոշում որևէ կոնկրետ շենք պայթեցնելու վերաբերյալ: Ինչ վերաբերում է վերոնշյալ շենքի պայթեցման աշխատանքներին, ապա Արտակարգ իրավիճակների նախարարությունը միայն իրականացրել է անվտանգության կանոնների պահպանության վերահսկողություն. պայթեցման աշխատանքների ընթացքում տեղում հերթապահություն է իրականացրել մեկ մարտական հաշվարկ:
